ދެރަވަރު! 19 ކުންފުންޏެއް އުމްރާ އުސޫލާ ހިލާފުވި، ޖޫރިމަނާ ކޮށްފި
އުމްރާ އުސޫލާ ހުލާފުވެފައިވާތީ އެ ކަންކަމުގެ ކުޑަބޮޑު މިނަށް ބަލައި، 19 ކުންފުންޏެއް ޖޫރިމަނާ ކޮށްފައިވެ އެވެ.
އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވީ އުމްރާއަށް މީހުން ގެންދިއުމުގެ އުސޫލާ ހުލާފުވެފައިވާތީ އެ ކަންކަމުގެ ކުޑަބޮޑު މިނަށް ބަލައި، 19 ކުންފުންޏެއް ފަސް ހާސް ރުފިޔާއިން ޖޫރިމަނާ ކޮށްފައިވާ ކަމަށެވެ.
އަދި އުމްރާއަށް މީހުން ގެންދިއުމަށް މިނިސްޓްރީ އިން ދީފައިވާ ރަސްމީ ލައިސަން ދައްކައިގެން އުމްރާއަށް ފުރަން ކަމަށް ހަދައި އެމްއެމްއޭ އިން ޑޮަލަރު ނަގައި، އުމްރާއަށް ނުދިޔަ ކުންފުންޏެއް ފާހަގަ ކުރެވިފައިވާތީވެ އެކަން އިތުރަށް ބަލާފައިވާ ކަމަށެވެ.
އެ މައްސަލަ ބެލުމަށް ފަހު މިނިސްޓްރީއަށް އެކަން ސާބިތު ވެއްޖެ ނަމަ އެކުންފުނި 30 ހާސް ރުފިޔާއިން ޖޫރިމަނާކޮށް ހުއްދަ ހިފަހައްޓައި މައްސަލަ ތަހުގީގު ކުރަން ފުލުހަށް ފޮނުވަން ނިންމާފައިވާ ކަމަށް މިނިސްޓަރު ޝަހީމް ވިދާޅުވި އެވެ.
"އެއީ ޑޮލަރު ދޫކުރާނީ ފުރުމުގެ ޓިކެޓާއި ޑޮކިއުމެންޓްސް ހުށަހެޅުމުންކަމުގައި ވެފައި ފޭކު ޑޮކިއުމެންޓް ހުށަހެޅިކަމަށް ތުހުމަތުކުރެވޭތީ،" މިނިސްޓަރު ވިދާޅުވި އެވެ.
އުމްރާއަށް މީހުން ގެންދިއުމުގައި އަމަލުކުރާން ގެޒެޓް ކޮށްފައިވާ އުސޫލާއި އަމަލު ނުކުރާ ހުރިހައި ކުންފުނިތަކަށް ފިޔަވަޅު އަޅާނެ ކަމަށް ވެސް މިނިސްޓަރު ވިދާޅުވި އެވެ.
ކޮމެންޓް
ގައިމް ނަންތައް ހާމަކޮށްލި ނަމަ
އެންމެ ފަސް ހާސް ރުފިޔާ. ކިހާ ރަންގަޅު. ނިމުނީ ޚަލާސް. ކޮބާ މި ކުންފުނިިންތަކުން ރައްޔިތުންނަށް ދިން ތަކުލީފާއި ކެކުޅުން ތަކުގެ އަގު. ހުރިހާ ކުންފުނި ތަކުން ފައިސާ އާއި ތަކެތި ނަގާނެ. ތިބޭނީ ހުސް ރައްޓެހިން.
Republic of Maldives