ހިމާނާގެ ޕާކިން ސަރަހައްދުން ގަވާއިދާ ހިލާފު ބިދޭސީންތަކެއް އަތުލައިގެންފި
ބަލައި ފާސްކުރެވުނު ތަންތަނުގައި ސައްހަ ވިސާއެއްނެތި ގަވާއިދާ ހިލާފަށް މަސައްކަތްކުރަމުންދިޔަ 17 ބިދޭސީން އެ އިދާރާގެ ބެލުމުގެ ދަށަށް ގެނެސްފައިވެ އެވެ.
ބިދޭސީންގެ ބޮޑު ކޮންޓްރޯލެއް އޮން ސަރަހައްދެއް ކަމުގައިވާ، ހީމާނާގެ ޕާކިން ސަރަހައްދުން ގަވާއިދާ ހިލާފަށް އުޅޭ ބިދޭސީންތަކެއް އިއްޔެ އަތުލައިގެންފި އެވެ.
އެ ސަރަހައްދަށް އަމާޒުކޮށް އިމިގްރޭޝަންގެ ޓާސްކްފޯހުން އިއްޔެ ވަނީ ރެއިޑް އޮޕަރޭޝަނެއް ހިންގާފަ އެވެ.
އިމިގްރޭޝަނުން ބުނީ އެ ސަރަހައްދަށް އެއްވެއުޅޭ ބިދޭސީންނާއި އެ ސަރަހައްދުގައި ބިދޭސީން އިސްވެ ތިބެ ހިންގަމުންދާ ފިހާރަ، ކެފޭ ފަދަ ތަންތަން މި އޮޕްރޭޝަނުގެ ތެރެއިން ބަލައި ފާސްކޮށްފައިވާ ކަމަށެވެ. ބަލައި ފާސްކުރެވުނު ތަންތަނުގައި ސައްހަ ވިސާއެއްނެތި ގަވާއިދާ ހިލާފަށް މަސައްކަތްކުރަމުންދިޔަ 17 ބިދޭސީން އެ އިދާރާގެ ބެލުމުގެ ދަށަށް ގެނެސްފައިވާ ކަމަށް ބުންޏެވެ.
އިމިގްރޭޝަނުން ދަނީ ބިދޭސީން މިގޮތަށް އުޅޭ އެކި ސަރަހައްދުތައް ބަލައިފާސްކޮށް، ގަވާއިދާ ހިލާފަށް އުޅޭ ބިދޭސީން ހައްޔަރު ކުރަމުންނެވެ. އަދި އެމީހުން ޑީޕޯޓް ކުރަމުންނެވެ.
އިމިގްރޭޝަނުން މީގެ ކުރިން ވެސް ވަނީ ހީމާނާގެ ޕާކިން ސަރަހައްދު ރެއިޑްކޮށް ގަވާއިދާ ހިލާފަށް އުޅޭ ބިދޭސީން އަތުލައިގެންފަ އެވެ.
ކޮމެންޓް
Republic of Maldives