އެމްޑީޕީއަކީ ދަރިއެއް ފަދަ ޕާޓީއެއް، ވަރުގަދަކޮށް އޮތުމަށް އަބަދުމެ އެދެން: ނަޝީދު
ނަޝީދު މިހެން ވިދާޅުވި ނަމަވެސް އެމަނިކުފާނު އެމްޑީޕީން އިސްތިއުފާ ދެއްވާ ނިކުންނަވާ ވިދާޅުވީ އެމްޑީޕީ "ރޫޅާލައްވާނެ" ކަމަށެވެ.
އެމްޑީޕީއަކީ އެމަނިކުފާނަށް "ދަރިއެއްފަދަ" ޕާޓީއެއް ކަމަށާ އެ ޕާޓީ ވަރުގަދަވެ އޮތުން އެއީ އަބަދުވެސް އެދޭނެ ކަމެއް ކަމަށް ކުރީގެ ރައީސް މުހައްމަދު ނަޝީދު މިއަދު ވިދާޅުވެއްޖެ އެވެ.
އެމަނިކުފާނު މިހެން ވިދާޅުވީ އެމަނިކުފާނު ނިސްބަތްވާ ދަ ޑިމޮކްރެޓްސްގެ އިސްވެރީން ޕާޓީ ދޫކޮށް އަލުން އެމްޑީޕީއާ ގުޅިވަޑަައިގެންފައި ވަނިކޮށެވެ.
އެކްސްގައި ކުރެެއްވި ޕޯސްޓެއްގައި ނަޝީދު ވިދާޅުވީ އެމަނިކުފާނުގެ ހަޔާތްޕުޅުގެ ބޮޑު ބައެއް ހޭދަކުރީ ރާއްޖޭގައި ގިނަ ޕާޓީތައް އެކުލެވޭ ނިޒާމެއް ގާއިމު ކުރުމުގެ މަސައްކަތުގައި ކަމަށެވެ. އަދި ވިދާޅުވީ އެމަނިކުފާނަކީ އެއްވެސް ސިޔާސީ ޕާޓީއަކާ އިދިކޮޅު ބޭފުޅެއް ނޫން ކަމަށެވެ.
"އެމްޑީޕީއަކީ އަޅުގަނޑުގެ ދަރިއެއްފަދަ ޕާޓީއެއް. އެ ޕާޓީ ވަރުގަދަވެ އޮތުން އެއީ އަޅުގަނޑު އަބަދުވެސް އެދޭނެ ކަމެއް،"
ނަޝީދު މިއަދު މިހެން ވިދާޅުވި ނަމަވެސް އެމަނިކުފާނު އެމްޑީޕީން އިސްތިއުފާ ދެއްވާ ނިކުންނަވާ ވިދާޅުވީ އެމްޑީޕީ "ރޫޅާލައްވާނެ" ކަމަށެވެ. އަދި އެމަނިކުފާނުގެ އަރިސް ބޭފުޅުން މެދުވެރި ކުރައްވާ ދަ ޑިމޮކްރެޓްސް ނަމުގައި ޕާޓީއެއް އުފެެއްދެވި އެވެ. ނަމަވެސް އެ ޕާޓީ ބޮޑުކޮށް އެމްޑީޕީ ކުޑަކޮށްލެވޭ ގޮތެއް ނުވި އެވެ.
އާހިރުގައި ޑިމޮކްރެޓްސްގެ ވެރީން މިހާރު ވަނީ އެ ޕާޓީގައި ސިޔާސީ ކުރިމަގު ނެތް ކަމަށް ވިދާޅުވެ އަލުން އެމްޑީޕީއާ ގުޅިވަޑައިގެންފަ އެވެ.
ކޮމެންޓް
Republic of Maldives