ފެންބޮޑުވެދާނެ ކަމަށް ރައްކާތެރިކަމުގެ ފިޔަވަޅުތައް އަޅަން ފަށައިފި
މާލެ ސިޓީ ކައުންސިލުން ދަނީ ރެއިން ފެށިގެން ގޭގޭގެ ދޮރުމަތީގައި ވެލި ބަސްތާތައް ޖަހައިދެމުންނެވެ. އެގޮތުން އާންމުކޮށް ފެންވަދެ، ގެއްލުންވެދާނެ ތަންތަނުގައި މިހާތަނަށް 800 ވެލި ބަސްތާ ޖަހާފައިވާ ކަމަށް އެ އިދާރާއިން ވަނީ ބުނެފަ އެވެ.
މިއަދުން ފެށިގެން ކުރިއަށް އޮތް ފަސް ދުވަހަށް މޫސުން ގޯސްވާނެ ކަމަށް ލަފާކޮށްފައިވާތީ، މާލޭގައި ފެންބޮޑުވެދާނެ ކަމަށް ލަފާކޮށް ރައްކާތެރިކަމުފެ ފިޔަވަޅުތައް އަޅަން ފަށައިފި އެވެ.
މާލެ ސިޓީ ކައުންސިލުން ދަނީ ރެއިން ފެށިގެން ގޭގޭގެ ދޮރުމަތީގައި ވެލި ބަސްތާތައް ޖަހައިދެމުންނެވެ. އެގޮތުން އާންމުކޮށް ފެންވަދެ، ގެއްލުންވެދާނެ ތަންތަނުގައި މިހާތަނަށް 800 ވެލި ބަސްތާ ޖަހާފައިވާ ކަމަށް އެ އިދާރާއިން ވަނީ ބުނެފަ އެވެ.
ރާއްޖޭގެ ބޮޑު ބަޔަކަށް ގުގުރުމާއެކު ބޯކޮށް ވާރޭވެހޭނެ ކަމަށާއި ވަޔާއި ކަނޑުތައް ގަދަވެ، ބައެއް އަތޮޅުތަކަށް އުދަ އަރައިފާނެ ކަމަށް މޫސުމާބެހޭ ގައުމީ އިދާރާއިން ވަނީ ލަފާކޮށްފަ އެވެ. އެހެންވެ، އޭގެ ސަބަބުން ލިބިދާނެ ގެއްލުމަކަށް ރައްކާތެރިވުމަށް ދުރާލާ މަސައްކަތްކުރުމަށް ނޭޝަނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ) އިން ވެސް ވަނީ އިލްތިމާސްކޮށްފަ އެވެ.
އެ އިދާރާއިން ސަމާލުވާން އެދިފައިވާ ކަންކަމަކީ؛
- ގެއަށް ފެން ނުވަންނާނެހެން ކުރިޔާލާ ގޭގެ ދޮރުމަތީގައި ވެލި ބަސްތާ ފަދަ ތަކެތި ޖެހުން
- ފެންބޮޑުވާ ސަރަހައްދުތަކުގައި ސައިކަލުފަދަ ތަކެތި ޕާކުނުކުރުން
- ފިހާރަ، ގުދަން، ރެސްޓޯރަންޓު، އަދިވެސް އަގުބޮޑެތި މުދާ ރައްކާކޮށްފައިވާ ތަންތަނާއި މުދަލަށް ލިބިދާނެ ގެއްލުން ކުޑަކުރުމަށް ދުރާލާ ރައްކާތެރިކަމުގެ ފިޔަވަޅުއެޅުން
- ފެންބޮޑުވެ ގެއްލުންލިބޭ ހިސާބުގައި ހުންނަ ކާޑުގެ ބާވަތްތަކާއި އަދި ހިފާގެންގުޅޭ ތަކެތިފެން ނުޖެހޭ ތަންތަނުގައި ބެހެއްޓުން
- ވައި ގަދަވާނެކަމަށް ސަމާލުވެ ރައްކާތެރިކަމުގެ ފިޔަވަޅުއެޅުން
- ކަރަންޓުން ބޭނުންކުރާތަކެތި ބޭނުންނުކުރާނަމަ ނިވާލާފައި ބެހެއްޓުން
- ކަނޑުދަތުރުކުރާ ފަރާތްތަކުން ދަތުރު ފެށުމުގެކުރިން މޫސުމާބެހޭ އެންމެ ފަހުގެ މައުލޫމާތު ކަމާބެހޭ އިދާރާތަކުން ހޯދުން
- ކާޑުގެ ބާވަތްތަކާއި ޒަރޫރީ ތަކެއްޗަށް ދަތިނުވާނެހެން ދުރާލާ އިންތިޒާމުކުރުން
- ހާއްސަކޮށް މާލޭގައި، ފެންބޮޑުވެފައިވާ ހާލަތެއްގައި ބަރު އުޅަނދު ނުދުއްވުން
ބޯކޮށް ވާރޭވެހި މާލޭގެ ބައެއް މަގުތަކުގައި ފެންބޮޑުވުމާ ގުޅިގެން ސިފައިން ވެސް ދަނީ މަގުތަކުގައި ހަރަކާތްތެރިވަމުންނެވެ. އަދި ހާއްސަކޮށް ވެސްޓު ޕާކު ސަރަހައްދުގައި ޕަމްޕު ބޭނުންކޮށްގެން ފެންހިންދުމުގެ މަސައްކަތް ކުރަމުންދާކަމަށް ވެސް ބުނެފައިވެ އެވެ.
ކޮމެންޓް
Republic of Maldives