މަންމައަށް ބިރުދައްކައި އިންޒާރު ދިން މީހަކު ބަންދަށް
ބިރުދައްކައި އިންޒާރުދީފައި ވަނީ ތަކުރާރުކޮށް ފައިސާއަށް އެދުމުން، އޭނާގެ މަންމަ ފައިސާ ނުދިނުމުންނެވެ.
މަންމައަށް ބިރުދައްކައި މުދަލަށް ގެއްލުން ދިން މީހަކު ބަންދު ކުރަން ކްރިމިނަލް ކޯޓުން އަމުރުކޮށްފި އެވެ.
މި މައްސަލައިގައި ހައްޔަރު ކޮށްފައި ވަނީ އުމުރުން 24 އަހަރުގެ މއ. މޯނިންވިއު، ހުސައިން ޝިމާއު އާދަމް އެވެ.
އޭނާގެ މައްޗަށް ނެރެފައިވާ ކޯޓު އަމުރުގައިވާ ގޮތުން، އޭނާގެ މަންމައަށް ބިރުދައްކައި އިންޒާރު ދީފައިވެ އެވެ. އަދި ގޭގެ މުދަލަށް ވެސް ގެއްލުން ދީފައިވެ އެވެ. ބިރުދައްކައި އިންޒާރުދީފައި ވަނީ ތަކުރާރުކޮށް ފައިސާއަށް އެދުމުން، އޭނާގެ މަންމަ ފައިސާ ނުދިނުމުންނެވެ.
އަމުރުގައިވާ ގޮތުން، އޭނާ ބަންދު ކުރަން އަމުރުކޮށްފައި ވަނީ މުޖުތަމައުގެ ސަލާމަތާ ރައްކާތެރިކަމަށްޓަކަ އެވެ. އޭނާ ކުރި ކުށުގައި އަނިޔާވެރިކަން ހިމެނޭ ކަމަށް ވެސް އަމުރުގައި ފާހަގަކޮށްފައިވެ އެވެ.
ޝިމާއު އަކީ ބިރުދެއްކުމާއި މާރާމާރީގެ ރެކޯޑު އޮންނަ މީހެކެވެ. އޭނާ ބަންދު ކުރަން އަމުރުކޮށްފައި ވަނީ 15 ދުވަހަށެވެ.
ކޮމެންޓް
Republic of Maldives