2024 ގެ އާމްދަނީ އަންދާޒާއަށްވުރެ މަތި | ޑޮލަރުގެ އާމްދަނީގެ ރެކޯޑެއް

މިދިޔަ އަހަރު ދައުލަތުގެ ޓެކްސް އިދާރާ މީރާ އަށް ބަލައިގަތް ޖުމްލަ އާމްދަނީ އަންދާޒާ ކުރިވަރަށްވުރެ 20 ޕަސެންޓް އިތުރުވިއިރު މިދިޔަ އަހަރަކީ ޑޮލަރުގެ އާމްދަނީ މިހާތަނަށް އެންމެ ބޮޑު އާމްދަނީއެއް ލިބުނު އަހަރަށެވެ. 

ދައުލަތުގެ ޓެކްސް އިދާރާ މީރާގެ ރަސްމީ ހިސާބުތައް ދައްކާ ގޮތުގައި މިދިޔަ އަހަރުގެ ޖެނުއަރީން ޑިސެމްބަރު މަހުގެ ނިޔަލަށް ޖުމްލަ 27.8 ބިލިއަން ރުފިޔާގެ އާމްދަނީއެއް ވަނީ ލިބިފަ އެވެ. ނަމަވެސް ކުރީ 2023 ވަނަ އަހަރު ލިބިފައިވަނީ 24 ބިލިއަން ރުފިޔާގެ އާމްދަނީ އެކެވެ. 

އާމްދަނީ މަތިވި ސަބަބު - މިދިޔަ އަހަރު ޖުމްލަ އާމްދަނީ މަތިވުމުގެ މައިގަނޑު ސަބަބަކީ ޓޫރިޒަމް ޖީއެސްޓީ (ޓީޖީއެސްޓީ) މަތިވުމާއި ވޯކްޕާމިޓް ފީ އަދި ގްރީން ޓެކުހުގެ އިތުރުން އެކްސްޕެޓްރޭޓް ފީ އާއި ޖެނެރަލް ޖީއެސްޓީ މަތިވެފައިވުމެވެ. މި އިތުރުވުމާއެކު ޖުމްލަ އާމްދަނީ ވަނީ 20 ޕަސެންޓުގެ އިތުރުވުމެއް މުޅި އަހަރު ލިބިފަ އެވެ. މިއާއެކު ޑިސެމްބަރު މަހު ވެސް ވަނީ އާމްދަނީ މިދިޔަ އަހަރަށްވުރެ 4.7 ޕަސެންޓުގެ އިތުރުވުމެއް ލިބިފަ އެވެ. މި އިތުރުވުމެއް ޑިސެމްބަރު މަހު ލިބިފައިވަނީ ޖީއެސްޓީ އާއި ގްރީން ޓެކްސް އަދި ޓޫރިޒަަމަށް ދައްކާ ކޯޕަރޭޓް ރެސްޕޯންސިބިލިޓީ ފީ އިތުރުވެފައިވުމެވެ. 

ޖުމްލަ އާމްދަނީ އަށް އިތުރުވުން ލިބުނުއިރު މިދިޔަ އަހަރަކީ މިހާތަނަށް ރާއްޖެއަށް އެންމެ ގިނައިން ޑޮލަރުގެ އާމްދަނީ ލިބުނު އަހަރަށް ވަނީ ވެފަ އެވެ. މިދިޔަ އަހަރު އެއް ބިލިއަން ޑޮލަރު ހަމައެކަނި މީރާއަށް ބަލައިގެންފައިވެ އެވެ. ކުރީ 2023 ވަނަ އަހަރު މި އަދަދު އުޅުނީ 949 މިލިއަން ޑޮލަރުގަ އެވެ. މިދިޔަ އަހަރު ޑޮލަރުން ލިބުނު ޓެކުހުގެ އާމްދަނީއަކީ 816 މިލިއަން ޑޮލަރެވެ. ނަމަވެސް ކުރީ 2023 ވަނަ އަހަރު މި އަދަދު އުޅުނީ 760 މިލިއަން ޑޮލަރުގަ އެވެ. އަދި ޓެކްސް ނޫން ގޮތް ގޮތުން މިދިޔަ އަހަރު 249 މިލިއަން ޑޮލަރު ލިބުނުއިރު ކުރީ އަހަރު ލިބިފައިވަނީ 189 މިލިއަން ޑޮލަރެވެ. އެހެންވެ މިދިޔަ އަހަރުވެފައިވަނީ މިހާތަނަށް ރާއްޖެއަށް އެންމެ ބޮޑު އާމްދަނީއެއް ލިބުނު އަހަރަށެވެ. 

މިދިޔަ މުޅި އަހަރު ޑޮލަރުގެ އާމްދަނީ މަތިވިއިރު މިދިޔަ ޑިސެމްބަރު މަހުވަނީ ޑޮލަރުގެ އާމްދަނީއަށް ބޮޑު ކުރިއެރުމެއް ލިބިފަ އެވެ. މިގޮތުން މިދިޔަ އަހަރު 112 މިލިއަން ޑޮލަރުގެ އާމްދަނީއެއް ލިބިފައިވެ އެވެ. މި އަދަދު ކުރީ އަހަރު ހުރީ 97 މިލިއަން ޑޮލަރުގަ އެވެ. އެހެންވެ މިއީ ހަތަރު ޕަސެންޓުގެ އިތުރުވުމެކެވެ. 

މިދިޔަ އަހަރު ޓީޖީއެސްޓީގެ ގޮތުގައި ގާތްގަނޑަކަށް ޑޮލަރުން 317 މިލިއަން ޑޮލަރު ވަނީ ބަލައިގެންފަ އެވެ.  ނަމަވެސް ކުރީ އަހަރު މި އަދަދު އުޅެނީ 291 މިލިއަން ޑޮލަރުގަ އެވެ. މިދިޔަ އަހަރު ޑޮލަރުގެ އާމްދަނީއަށް އެންމެ ބޮޑު އިތުރުވުމެއް ލިބިފައިވަނީ ގިނަ އަދަދެއްގެ ރިސޯޓްތަކެއް ކުއްޔަށް ދިނުމާއި ޓޫރިޒަމްގެ ބިމުކުލި އިތުރު ކޮށްދީގެންނެވެ. ލޭންޑް އެކުއެޒިޝަން އެންޑް ކޮންވެންޝަން ފީގެ ގޮތުގައި މިދިޔަ އަހަރު 24 މިލިއަން ޑޮލަރު ލިބުނުއިރު  ކުރީ އަހަރު މި އަދަދު އުޅުނީ އެންމެ 3.9 މިލިއަން ޑޮލަރު ގަ އެވެ. މީގެ އިތުރުން