ހިޔާ އަވަށު ހައިވޯލްޓޭޖް ސަބްސްޓޭޝަނާއި މާލެ ގުޅާލައިފި
މި މަޝްރޫއު ދަށުން މާލެއިން ފެށިގެން ދެވަނަ ފިޔަވައްސާ ހަމައަށް ވަނީ ކަރަންޓު ވިއުގަ ގުޅިގެން ގޮސްފަ އެވެ.
ހުޅުމާލެ ދެވަނަ ފިޔަވަހި ނުވަތަ ހިޔާ އަވަށު ގައި ގާއިމްކޮށްފައިވާ 132 ކިލޯވޮޓްގެ ގެ ހައިވޯލްޓޭޖް ސަބްސްޓޭޝަން ގްރޭޓާ މާލެ އިންޓަކަނެކްޝަން ގްރިޑު ސްޓެލްކޯ އިން ކާމިޔާބު ކަމާއެކު ގުޅާލައިފި އެވެ.
ގްރޭޓާ މާލެ ގުޅިގެންދާ ކަރަންޓު ވިއުގައިގެ މުހިންމު މި މަސައްކަތް ނިންމާލުމާ ގުޅިގެން ސްޓެލްކޯގެ މެނޭޖިން ޑިރެކްޓަރު ހުސެއިން ފަހުމީ ވިދާޅުވީ ހުޅުމާލޭގެ ދެވަނަ ފިޔަވަހީގައި ގާއިމްކޮށްފައިވާ 132 ކޭވީގެ ހައިވޯލްޓޭޖް ސަބްސްޓޭޝަން ގްރޭޓާމާލެ އިންޓަކަނެކްޝަން ގްރިޑާއި ގުޅާލުމަށް ކުރި މަސައްކަތް ކާމިޔާބުކަމާއިއެކު ނިންމާލެވިފައިވާ ކަމަށެވެ.
މި މަސައްކަތް ކުރިއަށްގެންދިއުމަށްޓަކައި މާލޭގެ 10 ސަރަހައްދަކުން ކަރަންޓުގެ ހިދުމަތް މެދުކަނޑާލަންޖެހޭނެ ކަމަށް ކުރިން އަންދާޒާ ކުރެވުނު ނަމަވެސް، މޫސުން ތަންދިނުމާއެކު މާލޭގެ ދެ ސަރަހައްދަކުން އެއްގަޑިއިރަށްވުރެވެސް މަދު ވަގުތު ކޮޅަކަށް ކަރަންޓުގެ ހިދުމަތް މެދުކަނޑައިގެން މި މަސައްކަތް ނިންމާލެވިފައިވާކަން އެމްޑީ ފާހަގަ ކުރެއްވި އެވެ. އަދި އެ މިކުންފުނީގެ ހިދުމަތް އިތުރަށްފުޅާކޮށް، ފުރިހަމަ ކުރުމަށްޓަކައި ކުރެވޭ މިފަދަ މަސައްކަތްތަކުގައި ކަސްޓަމަރުންގެ ފަރާތުން އަބަދު ވެސް ލިބެމުން އަންނަ އެއްބާރުލުމަށް ފަހުމީ ވަނީ ޝުކުރު އަދާ ކުރައްވާފަ އެވެ.
މި މަސައްކަތް ކުރިއަށް ގެންދަ ގޮތުގެ މައުލޫމާތު ދެއްވަމުން ޓްރާންސްމިޝަން އެންޑް ޑިސްރިބިއުޝަން ޑިޕާޓްމަންޓުގެ ޖެނެރަލް މެނޭޖަރު އިބްރާހިމް ނާސިދު ވިދާޅުވީ މެއިން ކޭބަލްތައް ޓެސްޓްކޮށް ހުރިހާ މަސައްކަތަކާއެކު މި މަސައްކަތް ކާމިޔާބުކަމާއެކު ނިންމާލެވިފައިވާ ކަމަށެވެ. އަދި ކުރިއަށް އޮތް މަސައްކަތްތަކީ ދެވަނަ ފިޔަވަހީގައި އަޅާފައިވާ 11 ކޭވީގެ ނެޓްވޯކްގެ ކޭބަލްތައް ސަބްސްޓޭޝަނަށް ބަދަލު ކުރުން ކަމަށެވެ.
"މިއީ އިންޖިނޭރުންނާއި ކޮންޓްރެކްޓަރުން އަދި ކަސްޓަމަރުންގެ އެއްބާރުލުމާއެކު،" ނާސިދު ވިދާޅުވި އެވެ.
ކޮމެންޓް
Republic of Maldives