މޯލްޑިވިއަން ބޮޑު ބޯޓާއެކު އިންޑޮނޭޝިއާއި އާއި ސްލޮވޭނިއާ އިން ޗާޓަރު ހުށަހެޅުން
މިރާ އަށް އެނގިފައިވާ ގޮތުގައި ގައުމީ އެއާލައިން އަށް ދަނީ އުމްރާވެރިން އުފުލަން ޗާޓަރު ހުށަހެޅުންތައް ލިބެމުންނެވެ.
މޯލްޑިވިއަން އިން އަލަށް ގެނައި އެއާބަސް 330 ގެ ވައިޑް ބޮޑީ އެއާކްރާފްޓާއެކު އިންޑޮނޭޝިއާ އާއި ސްލޮވޭނިއާއިން ޗާޓަރު ފްލައިޓްތަކެއް އަޅަން ހުށަހެޅުން ތަކެއް ލިބިއްޖެ އެވެ.
ދަ މިރާ އަށް އެނގިފައިވާ ގޮތުގައި އިންޑޮނޭޝިއާ އިން ވައިޑް ބޮޑީ އެއާކްރާފްޓަށް ލިބިފައިވަނީ އެ ގައުމުން އުމްރާ އަށްދާ މީހުން ތަކެއް މައްކާައަށް ގެންދިއުމަށެވެ. މީގެ އިތުރުން ރާއްޖޭން އަންނަ ރޯދަ މަހު އުމްރާއަށްދާ މީހުން ގެންދަންވެސް ބައެއް ކުންފުނިތަކުން ވަނީ މޯލްޑިވިއަންއަށް ހުށަހަޅާފަ އެވެ.
މޯލްޑިވިއަން އިން ދަނީ އެ ކުންފުނީގެ ފުރަތަމަ ވައިޑްބޮޑީ އެއާކްރާފްޓު އޭ-330 މަރުކާގެ މަތިންދާބޯޓުގެ ފުރަތަމަ ދަތުރު މި މަހުގެ 22 ވަނަ ދުވަހު ޗައިނާގެ ޗެންޑޫ އަށް ފަށަން ތައްޔާރު ވަމުންނެވެ.
އައިލެންޑް އޭވިއޭޝަނުން ބުނެފައިވަނީ ގައުމީ އެއާލައިނުގެ ބޮޑު ބޯޓުގެ ފުރަތަމަ ޝެޑިއުލް ދަތުރުކުރުމަށް ހަމަޖެހިފައިވަނީ ޗައިނާގެ ޗެންޑޫއަށް ކަމަށެވެ. އަދި މިހާރު ޝެޑިއުލް ދަތުރުތަކުގެ ޓިކެޓު ވިއްކުމަށް ތައްޔާރުވެފައިވާކަމަށް އޭނާ ވިދާޅުވި އެވެ.
މި ބޯޓު ޗެންޑޫގެ އިތުރަށް ޗައިނާގެ ބެއިޖިންއާއި ޝެންހާއީއަށްވެސް ދަތުރުކުރަން ހަމަޖެހިފައިވެ އެވެ. މި ބޯޓު ދަތުރުކުރަން ހަމަޖެހިފައިވާ ސިޓީތަކަކީ ޗައިނާއިން އެންމެ ގިނައިން ޓޫރިސްޓުން ރާއްޖެއަށް ދަތުރުކުރާ ސިޓީތައްކަމަށް މޯލްޑިވިއަނުން ބުނެ އެވެ.
މިދިޔަ ހޯމަދުވަހު މޯލްޑިވިއަނުން ގެނައި ވައިޑްބޮޑީ މި މަތިންދާބޯޓަކީ އެއްފަހަރާ 260 މީހުންނަށް ދަތުރުކުރެވޭނެ އެވެ. މި ފުލައިޓުގައި ތިން ކްލާސް އޮވެ އެވެ. ބިޒްނަސް އަދި ޕްރިމިއަމް އިކޮނޮމީއާއި އިކޮނޮމީ ކްލާހުގެ ގޮނޑިތައް މި ފުލައިޓުގައި ހުންނައިރު 10 ޓަނުގެ ކާގޯ މި ބޯޓުގައި އުފުލޭނެ އެވެ.
މިމަހު އޭޓީއާރެއް، އޮކްޓޫބަރު މަހު އިތުރު ވައިޑް ބޯޑީ ބޯޓެއް
ގައުމީ އެއާލައިން އިން ދަނީ މިމަހު އިތުރު އޭޓީއާރު ބޯޓެއް ގެންނަން ތައްޔާރު ވަމުންނެވެ. މީގެ އިތުރުން މި އަހަރުގެ އޮކްޓޫބަރު މަހު އިތުރު ވައިޑް ބޯޑީ އެއާ ކްރާފްޓެއް ގެންނާނެ އެވެ.
ކޮމެންޓް
Republic of Maldives