ކައުންސިލްތަކާއި ޑަބްލިއުޑީސީގެ ބައި-އިލެކްޝަނަށް 50 މީހަކު ކުރިމަތިލައިފި
ބައި-އިލެކްޝަންތައް ބޭއްވުމަށް ހަމަޖެހިފައިވަނީ 08 ފެބުރުވަރީ 2025 ވާ ހޮނިހިރުދުވަހު
ލޯކަލް ކައުންސިލްތަކާއި އަންހެނުންގެ ތަރައްގީއަށް މަސައްކަތްކުރާ ކޮމިޓީތަކުގެ ބައި-އިލެކްޝަނަށް 50 މީހަކު ކުރިމަތިލައިފިއެވެ.
މިދިޔަ ޑިސެމްބަރު މަހުގެ 22 ވަނަ ދުވަހު ބައި-އިލެކްޝަންތަކަށް ކުރިމަތިލުމަށް ހުޅުވާލިއިރު، ބައި-އިލެކްޝަންތައް ބޭއްވުމަށް ހަމަޖެހިފައިވަނީ 08 ފެބުރުވަރީ 2025 ވާ ހޮނިހިރުދުވަހުއެވެ. އިލެކްޝަންސް ކޮމިޝަނުން މައުލޫމާތުދޭ ގޮތުގައި މިބައި-އިލެކްޝަންތަކަށް އެމްޑީޕީގެ ފަރާތުން 6 މީހަކު ކުރިމަތިލިއިރު ޕީއެންސީގެ ފަރާތުން 37 މީހުންގެ އިތުރުން އަމިއްލަގޮތުން 6 މީހަކު ކުރިމަތިލާފައިވެއެވެ. މިބައި-އިލެކްޝަންގައި ޖުމުލަ 37 މީހަކު އިންތިހާބުކުރެވިގެންދާނެކަމަށް އީސީއިން މައުލޫމާތުދެއެވެ.
އީސީއިން މައުލޫމާތުދޭ ގޮތުގައި އަންހެނުންގެ ތަރައްގީއަށް މަސައްކަތްކުރާ ކޮމިޓީތަކުގެ ބައި-އިލެކްޝަނަށް ކުރިމަތިލާފައިވާ ކެންޑިޑޭޓުންގެ ގުރުއަތުނެގުމާއި ނަން ތަރުތީބުކުރުން މާދަމާ ކުރިއަށްދާނެއެވެ.
މިދެ ބައި-އިލެކްޝަނުގައި ހަރަކާތްތެރިވާނެ އޮފިޝަލުން ހޯދުމަށް އީސީއިން މިހާރުވަނީ އިއުލާނުކޮށްފައެވެ.
ކޮމެންޓް
Republic of Maldives