އެއާޕޯޓުގައި ކާރަކާއި ޕިކަޕެއް ޖެހި އެކްސިޑެންޓެއް
އެމްއޭސީއެލް އިން ބުނެފައި ވަނީ އެކްސިޑެންޓް ހިނގާފައި ވަނީ ކާރުގައި އިން މީހާއަށް ސިއްހީ ކުއްލި ހާލަތެއް ދިމާވެގެން ކަމަށެވެ.
މިއަދު ހެނދުނު 9:45 ހާއިރު ހިނގާދިޔަ މި އެކްސިޑެންޓްގައި ކާރު ދުއްވަން އިން މީހާއަށް ވަނީ އެކިވަރުގެ އަނިޔާ ލިބިފަ އެވެ. އޭނާއަށް ހުޅުމާލެ ހޮސްޕިޓަލުގައި ދަނީ ފަރުވާ ދެމުންނެވެ. އެމްއޭސީއެލް އިން ބުނެފައި ވަނީ އެކްސިޑެންޓް ހިނގާފައި ވަނީ ކާރުގައި އިން މީހާއަށް ސިއްހީ ކުއްލި ހާލަތެއް ދިމާވެގެން ކަމަށެވެ.
އެ ކާރު ފަހަތުގައި އިން މީހާއަށް ވެސް ކުދިކުދި އަނިޔާ ވަނީ ލިބިފަ އެވެ. އޭނާއަށް ފަރުވާ ދީފައި ވަނީ އެއާޕޯޓް ކްލިނިކްގަ އެވެ. ފުލުހުން ބުނީ އޭނާއަށް ސީރިއަސް އަނިޔާއެއް ލިބިފައި ނުވާ ކަމަށެވެ.
ފުލުހުން ބުނީ މި އެކްސިޑެންޓް ހިނގާފައި ވަނީ ކާރު ރޯޑް ޑިވައިޑާތަކާއި ވޭނެއްގައި ޖެހުމަށްފަހު ޕިކަޕުގެ ފަހަތުގައި ޖެހިގެން ކަމަށެވެ. މި މައްސަލަ ފުލުހުން ދަނީ ތަހުގީގު ކުރަމުންނެވެ.
ކޮމެންޓް
Republic of Maldives