ރައީސް ހުވަދު އަތޮޅަށް ވަޑައިގަންނަވަން ފުރާވަޑައިގެންފި

ރައީސުލްޖުމްހޫރިއްޔާ ޑރ.މުހައްމަދު މުއިއްޒު އަތޮޅު ތެރެއަށް ކުރައްވަމުންދާ ސިލްސިލާ ދަތުރުފުޅުތަކުގެ ތެރެއިން ހުވަދުއަތޮޅަށް ކުރައްވާ ދަތުރުފުޅެއްގައި މިއަދު ހެނދުނު ފުރާވަޑައިގެންފި އެވެ. 

ރައީސްގެ މިދަތުރުފުޅުގައި ހުވަދު އަތޮޅު ދެކުނުބުރީގެ ފަސް ރަށަކަށް އަދި ހުވަދު އަތޮޅުގެ ދެކުނުބުރީގެ ހަތަރު ރަށަކަަަށް ޒިޔާރަތްކުރައްވައި އެ ރަށްރަށުގެ ކައުންސިލުތަކާ ބައްދަލުކުރެއްވުމަށްވަނީ ހަމަޖެހިފަ އެވެ. 

ގދ.ގައި ރައީސް ޒިޔާރަތްކުރައްވަން ހަމަޖެހިފައިވާ ފަސް ރަށަކީ: 

އަދި ގއ.އަތޮޅުގައި ރައީސް ވަޑައިގަތުމަށް ހަމަޖެހިފައިވާ ހަތަރު ރަށަކީ: 

މި ދަތުރުފުޅުގައި ހޯނޑެއްދޫގެ ފެނާއި ނަރުދަމާ ނިޒާމުގެ ހިދުމަތް ރައީސް އިފްތިތާހުކުރައްވާނެ އެވެ. ރައީސް އޮފީހުން ބުނެފައިވަނީ މި ދަތުރުފުޅުގައި ހުވަދު އަތޮޅުގެ ވީހާވެސް ގިނަ ރައްޔިތުންނާ ބައްދަލުކުރައްވައި، ހާލުއަހުވާލު ބައްލަވައި، ރައްޔިތުންނާ މުހާތަބުކުރައްވާނެ ކަމަށެވެ. 

މި ދަތުރުފުޅުގައި ގއ.މާމެންދޫއާއި ދެއްވަދޫ ކައުންސިލާ ރައީސް ބައްދަލުކުރައްވާނެ އެވެ. އަދި އެ ދެ ރަށުގެ ރައްޔިތުން އެންމެ ބޭނުންވާ ކަންކަމާއި ތަރައްގީއާ ގުޅޭ ކަންކަމާ ބެހޭ ރައީސް މަަޝްވަރާކުރައްވާނެ ކަމަށް ރައީސް އޮފީހުން ބުނެފައިވެ އެވެ. 

ސަރުކާރުގެ ވަޒީރުންނާއި ބައެއް އިސްވެރިން ބައިވެރިވެވަޑައިގަންނަވާ މި ދަތުރުފުޅަކީ ރާއްޖޭގެ ހުރިހާ އަތޮޅުތަކާއި ރަށްތަކާއި ސިޓީ ކައުންސިލުތަކާ ބައްދަލުކުރެއްވުމަށް ފާއިތުވި އަހަަރުން ފެށިގެން ރައީސް ކުރައްވަމުންގެންދަވާ ސިލްސިލާ ދަތުރުފުޅެއްގެ ތެރެއިން ދަތުރުފުޅުކެވެ. 

ރައީސްގެ މި ދަތުރުފުޅު ނިންމަވައިލެއްވުމަށްފަހު މާލެއަށް ވަޑައިގަންނަވަން ހަމަޖެހިފައިވަނީ ބުރާސްފަތި ދުވަހު އެވެ.