ކޯޓަށް ހާޒިރު ނުކުރެވިގެން މީހަކު ހޯދަނީ
ބަންދުގައި ބަހައްޓައިގެން ކޯޓަށް ހާޒިރުކުރުމަށް އެކި ފަހަރު މަތިން ކުރެވުނު މަސައްކަތުން ވެސް އޭނާ ކޯޓަށް ހާޒިރުކުރެވިފައި ނުވާ ކަމަށް ފުލުހުން ބުންޏެވެ.
ގދ. ވާދޫ، ސަބާހީމަންޒިލް، އިމާޒް ޒާހިރުގެ މައްޗަށް ކޮށްފައިވާ ދައުވާއަކާއި ގުޅިގެން މައްސަލަ ކުރިއަށް ގެންދިއުމަށް ކޯޓަށް ހާޒިރު ނުކުރެވިގެން ފުލުހުން އާންމުންގެ އެހީއަށް އެދިއްޖެ އެވެ.
ފުލުހުން މިއަދު ކުރި އިއުލާނެއްގައި ބުނެފައި ވަނީ އިމާޒް ޒާހިރު ހޯދަމުން ދަނީ އޭނާގެ މައްޗަށް ކްރިމިނަލް ކޯޓުގައި ކޮށްފައިވާ ދައުވާއަކާއި ގުޅިގެން އަޑުއެހުންތަކަށް ހާޒިރު ނުވާތީ ކަމަށެވެ. އޭނާގެ މައްޗަށް އުފުލާފައިވާ ދައުވާ ތަފްސީލު ފުލުހުން ހާމައެއް ނުކުރެ އެވެ.
ބަންދުގައި ބަހައްޓައިގެން ކޯޓަށް ހާޒިރުކުރުމަށް އެކި ފަހަރު މަތިން ކުރެވުނު މަސައްކަތުން ވެސް އޭނާ ކޯޓަށް ހާޒިރުކުރެވިފައި ނުވާ ކަމަށް ފުލުހުން ބުންޏެވެ. އިމާޒް ޒާހިރު ހޯދަން ފުލުހުން އެކި ގޮތްގޮތުން ކުރި މަސައްކަތް ކާމިޔާބު ނުވެ، އޭނާ އުޅޭ ވަކި ތަނެއް އެނގިފައި ނުވާ ކަމަށް ވެސް ބުންޏެވެ.
ފުލުހުން އެދިފައި ވަނީ އޭނާއާ ބެހޭ އެއްވެސް މައުލޫމަެއް އެނގޭނަމަ ގދ. ވާދޫ ޕޮލިސް ސްޓޭޝަން ނަންބަރު 9960159 އަށް ގުޅައިގެން މައުލޫމާތު ހިއްސާ ކުރުމަށެވެ.
ކޮމެންޓް
Republic of Maldives