ސިނގިރޭޓް ހަދަން ބޭނުންކުރާ ތަކެތި އެތެރެކުރުން ހުއްޓުވަން އަންގައިފި
ދުންފަތުގެ ބާވަތެއް ރާއްޖޭގައި އުފެއްދުމަކީ މަނާކަމެއް ކަމުން، ދުންފަތުގެ އެއްވެސް ބާވަތެއް އުފެއްދުމަށް ބޭނުންކުރާ އެއްޗެއް ނުވަތަ އެއްވެސް އާލާތެއް އެއްވެސް ފަރާތަކުން އެތެރެކޮށްފިނަމަ، އެތަކެތި ހިފަހައްޓައި ނައްތާލުމަށް ވަނީ އަންގާފަ އެވެ.
ދުންފަތުގެ ބާވަތެއް އުފައްދަން ބޭނުންކުރާ އެެއްޗެއް / އާލާތެއް އެތެރެކޮށްފިނަމަ އެއެއްޗެއް ހިފަހައްޓައި ނައްތާލުމަށް ހެލްތު މިނިސްޓްރީން ކަސްޓަމްސް ސާވިސްއަށް އަންގައިފި އެވެ.
އެ މިނިސްޓްރީން ވަނީ ކޮމިޝަނާ ޖެނެރަލް އޮފް ކަސްޓަމްސް ފާތިމަތު ދިޔާނާ ފޮނުއްވެވި ސިޓީ އަކުން އެކަން އަންގާފަ އެވެ. އެ އެންގުން އެންގީ ދުންފަތް ކޮންޓްރޯލްކުރުމުގެ ގާނޫނުގެ ދަށުންނެވެ.
ހެލްތުގެ އެންގުމުގައި ބުނީ ސިނގިރޭޓް ހެދުމަށް ބޭނުންކުރާ ކަރުދާހާއި އެނޫންވެސް ތަކެތި ރާއްޖެ އެތެރެކުރުމަކީ ދުންފަތް ކޮންޓްރޯލް ކުރުމުގެ ގާނޫނުގެ ދަށުން މަނާކަމެއް ކަމަށެވެ. ދުންފަތުގެ ބާވަތެއް ރާއްޖޭގައި އުފެއްދުމަކީ މަނާކަމެއް ކަމުން، ދުންފަތުގެ އެއްވެސް ބާވަތެއް އުފެއްދުމަށް ބޭނުންކުރާ އެއްޗެއް ނުވަތަ އެއްވެސް އާލާތެއް އެއްވެސް ފަރާތަކުން އެތެރެކޮށްފިނަމަ، އެތަކެތި ހިފަހައްޓައި ނައްތާލުމަށް ވަނީ އަންގާފަ އެވެ.
އެ ސިޓީވެސް ވަނީ ސޯޝަލް މީޑިއާގައި އާންމުވެފަ އެވެ.
ކޮމެންޓް
Republic of Maldives