ކުޑަކުއްޖަކާ ބެހުނު މީހަކަށް ދެ ދައުވާ ސާބިތުވެ 25 އަހަރުގެ ހުކުމެއް

ކުޑަކުއްޖަކާ ޖިންސީ ގުޅުން ހިންގި މީހެއްގެ މައްޗަށް ދައުލަތުން އުފުލި ތިން ދައުވާއެއްގެ ތެރެއިން ދެ ދައުވާ ސާބިތުވެ ޖުމްލަ 25 އަހަރުގެ ޖަލު ހުކުމެއް އިއްވައިފި އެވެ.

މި މައްސަލާގައި ދައުވާކޮށްފައިވާ ނަސްރުﷲ ފާއިޒު ކިޔާ މީހެއްގެ މައްޗަށެވެ. މި މައްސަލައަކީ ކުޑަކުއްޖަކު ޝާމިލުވާ މައްސައެއްކަމުން ކުރިމިނަލް ކޯޓުން އެ މައްސަލައިގެ ރިޕޯޓު ޝާއިއުނުކުރެ އެވެ. އަދި އެ މައްސަލާގައި ހިމެނޭ ފަރާތްތަކުގެ ނަން ފިޔަވައި އިތުރު ތަފުސީލުތައްވެސް އާންމުނުކުރެ އެވެ. 

އެހެންކަމުން ނަސްރުﷲ ފާއިޒަކީ ކޮން ރަށެއްގެ މީހެއްކަން އަދި މި ހާދިސާ ހިނގީ ކޮން ރަށެއްގައިކަން ކުރިމިނަލް ކޯޓުގެ ލިޔެކިޔުންތަކުން އެނގެން ނެތެވެ. 

މި މައްސަލާގައި ނަސްރުﷲ ފާއިޒުގެ މައްޗަށް އުފުލާފައިވާ ދައުވާތަކަކީ: 

މި ތިން ދައުވާގެ ތެރެއިން ނަސްރުﷲގެ މައްޗަށް ސާބިތުނުވީ އޮރިޔާންކާޑު ގެންގުޅުގެ ކުށުގެ ދައުވާ އެވެ. އެކަށީގެންވާ މިންވަރުގެ ޝައްކެއް ނެތި ޝަރީއަތަށް އެ ދައުވާ ސާބިތުކުރެވޭ މިންވަރަށް ހެކި ނެތުމުން އެ ދައުވާ ސާބިތުނުވީ އެވެ. 

ސާބިތުވި ދައުވާތަކުގެ ތެރެއިން ކުޑަކުއްޖަކު އިތުބާރުކުރަންޖެހޭ މަގާމެއްގައި ހުރެ، އެ ކުއްޖަކާމެދު ޖިންސީ އަމަލެއް ހިންގުމުގެ ކުށް ސާބިތުވެ ނަސްރުﷲގެ މައްޗަށް އިއްވާފައިވަނީ 15 އަހަރުގެ ޖަލު ހުކުމެކެވެ. 

އަދި ޖިންސީ ނިޔަތެއް އޮވެގެން ކުޑަކުއްޖެއްގެ ހަށިގަނޑުގައި އަތްލިކަން ސާބިތުވުމުން ނަސްރުﷲއަށް އިއްވާފައިވަނީ ދިހަ އަހަރުގެ ޖަލު ހުކުމެކެވެ. 

ޑިސެންބަރު 17، 2020 ގައި ކުރިމިނަލް ކޯޓަށް ހުށަހެޅި މި މައްސަލަ ހަތަރު އަހަރު ފަހުން ނިންމައި ހުކުމްކޮށްފައިވަނީ ޑިސެންބަރު 30 ވަނަ ދުވަހު އެވެ.