ކ.ގުރައިދޫގައި ވެމްކޯގެ ހިދުމަތްތައްދޭން ފަށައިފި
މިނިސްޓަރު ތޯރިގު އިބްރާހީމް ވަނީ ގުރައިދޫގައި ވެމްކޯގެ ހިދުމަތް ފެށުމަކީ ތިމާވެށި ރައްކާތެރިކުރުމަށް އެޅޭ މުހިންމު ފިޔަވަޅެއްކަން ފާހަގަކުރައްވާ މިކަމުގައި ރަށުގެ ރައްޔިތުންގެ ފަރާތުން ވެމްކޯއަށް ފުރިހަމަ އެއްބާރުލުން ދިނުމަށް އެދިލައްވާފަ
"ފައްޓަމާ: އާއިލީ ހަވީރު"ގެ ނަމުގައި ކުރިއަށް ގެންދެވުނު ހަރަކާތަކާއެކު ކ.ގުރައިދޫގައި ވޭސްޓް މެނޭޖްމަންޓް ކޯޕަރޭޝަން (ވެމްކޯ) ގެ ހިދުމަތް ފަށައިފިއެވެ.
މޫސުމަށް އަންނަ ބަދަލުތަކާއި ތިމާވެއްޓާއި ހަކަތައާއިބެހޭ ވަޒީރު ތޯރިގު އިބްރާހީމް ބައިވެރިވެވަޑައިންނެވި މިހަރަކާތުގައިވަނީ ވެމްކޯގެ ހިދުމަތްތައް ފެށުމާބެހޭ މައުލޫމާތު ދިނުމުގެ އިތުރުން ކުނި މެނޭޖުކުރުމުގެ މުހިންމުކަމާއި ތިމާވެށި ހިމާޔަތްކުރުމުގެ މުހިންމުކަންފަދަ މައުލޫތަކަށް އަލިއަޅުވާލާފައެވެ.
މިހަރަކާތުގައި ވާހަކަދައްކަވަމުން މިނިސްޓަރުވަނީ ގުރައިދޫގައި ވެމްކޯގެ ހިދުމަތް ފެށުމަކީ ތިމާވެށި ރައްކާތެރިކުރުމަށް އެޅޭ މުހިންމު ފިޔަވަޅެއްކަން ފާހަގަކުރައްވާ، މިކަމުގައި ރަށުގެ ރައްޔިތުންގެ ފަރާތުން ވެމްކޯއަށް ފުރިހަމަ އެއްބާރުލުން ދިނުމަށް އެދިލައްވާފައެވެ.
ވެމްކޯއިން އަންނަނީ ކ.ގުރައިދޫގެ އިތުރުން މާލެ ސަރަހައްދާއި، ސިޓީތަކާއި ލ. ފޮނަދޫއާއި ލ.ގަމާއި ކ. މާފުށްޓާއި ހިންމަފުށީގައި އެކުންފުނީގެ ހިދުމަތްތައް ދެމުންނެވެ.
ކޮމެންޓް
Republic of Maldives