މި އެކްސިޑެންޓްގައި ފަސް މީހަކަށް އެކިވަރުގެ އަނިޔާ ވަނީ ލިބިފަ އެވެ. ފުލުހުން ބުނީ މީގެ ތެރެއިން ހަތަރު މީހަކަށް ފަރުވާ ދިނުމަށްފަހު ރޭ ދޫކޮށްލާފައިވާ ކަމަށެވެ. އަނެއް މީހާ އަދިވެސް އޮތީ ޓްރީޓޮޕް ހޮސްޕިޓަލުގަ އެވެ.
ފުލުހުން ބުނީ ބްރިޖް ހައިވޭގައި މާލެއިން ހުޅުމާލެއަށް ދަތުރުކުޅާ ފަޅީގައި ތިން ސައިކަލު ޖެހި ރޭ 12:11 ހާއިރު އެކްސިޑެންޓެއް ހިނގާފައިވާ ކަމަށެވެ.
މި އެކްސިޑެންޓް ހިނގަން މެދުވެރިވެފައި ވަނީ ސައިކަލެއް އޯވަޓޭކް ކުރަން އުޅުމުގެ ތެރޭގައި ދެ ސައިކަލު ޖެހި އެކްސިޑެންޓް ވެގެންނެވެ. ތިން ވަނަ ސައިކަލަކީ ފަހަތުން އައި ސައިކަލެކެވެ. އެ ސައިކަލު ވެސް ކުރިމަތިން ޖެހުނު ދެ ސައިކަލުގައި ގޮސް ޖެހުނީ އެވެ.
މި އެކްސިޑެންޓްގައި ފަސް މީހަކަށް އެކިވަރުގެ އަނިޔާ ވަނީ ލިބިފަ އެވެ. ފުލުހުން ބުނީ މީގެ ތެރެއިން ހަތަރު މީހަކަށް ފަރުވާ ދިނުމަށްފަހު ރޭ ދޫކޮށްލާފައިވާ ކަމަށެވެ. އަނެއް މީހާ އަދިވެސް އޮތީ ޓްރީޓޮޕް ހޮސްޕިޓަލުގަ އެވެ.
"އެމީހާގެ ހާލު ސީރިއަސް ނޫން ކަމަށް ހޮސްޕިޓަލުން ފުލުހުންނަށް މައުލޫމާތު ދޭ،" ފުލުހުން ބުންޏެވެ.
ފުލުހުން ބުނީ މި އެކްސިޑެންޓްގައި ގަވާއިދާ ހިލާފަށް ދުއްވި ސައިކަލު ޓޯކޮށްފައިވާ ކަމަށެވެ. އަދި މައްސަލަ ފުލުހުން ތަހުގީގު ކުރަމުންދާ ކަމަށެވެ.