މޫކޭއާ ޔާސިރު ފުރުން މަނާކޮށް އެކަން އަންގައިފި
ފުލުހުންގެ ހިދުމަތުން ދެންމެ ބުނީ އެ އިދާރާއިން ތަހުގީގު ކުރަމުން ގެންދާ މައްސަލައަކާ ގުޅިގެން މޫކޭއާ ޔާސިރު ފުރުން މަނާކުރުމުގެ އަމުރެއް ނެރެފައިވާ ކަމަށެވެ.
ރޯޑް ޑިވެލޮޕްމެންޓު ކޯޕަރޭޝަން (އާރްޑީސީ)ގެ ކުރީގެ މެނޭޖިން ޑިރެކްޓާ މޫސާ އަލިމަނިކު (މޫކޭ) އާއި އާރްޑީސީގެ ޗީފް ފައިނޭންޝަލް އޮފިސަރުގެ މަގާމުގައި ހުރި ޔާސިރު ހަސަން ފުުރުން މަނާކޮށްފި އެވެ.
ފުލުުުހުން ވަނީ އެކަން ޔަގީންކޮށްދީފަ އެވެ.
ފުލުހުންގެ ހިދުމަތުން ދެންމެ ބުނީ އެ އިދާރާއިން ތަހުގީގު ކުރަމުން ގެންދާ މައްސަލައަކާ ގުޅިގެން މޫކޭއާ ޔާސިރު ފުރުން މަނާކުރުމުގެ އަމުރެއް ނެރެފައިވާ ކަމަށެވެ. އަދި އެކަން އެދެ މީހުންނަށް އަންގާފައިވާ ކަމަށް ވެސް ބުންޏެވެ.
މޫކޭއާއި އާއި ޔާސިރު ފުރުން މަނާކޮށް އަމުރު ނެރުނުއިރު އެ ދެ މީހުން ދިރިއުޅޭ އެޕާޓުމެންޓު ވެެސް ވަނީ ބަލައިފާސްކޮށްފައި އެވެ. ބަލާ ފާސްކުރީ ފާއިތުވި ދައުރުގައި އާރްޑީސީގެ އެކައުންޓުން އޭނާގެ އަމިއްލަ އެކައުންޓަށް 13 މިލިއަން ރުފިޔާ ޖޫރިމަނާކޮށް އެ ފައިސާ މަނީ ލޯންޑާކުރި ކަމުގެ ތުހުމަތުގަ އެވެ.
ރައީސް ސޯލިހްގެ ދައުރުގައި ފެންމަތިވި މި މައްސަލާގައި ފުލުހުން ތަހުގީގެއް ފެށީ މަރުކަޒީ ބޭންކު މޯލްޑިވްސް މަނިޓަރީ އޮތޯރިޓީގެ ފައިނޭންޝަލް އިންޓެލިޖެންސް ޔުނިޓު (އެފްއައިޔޫ)އިން އެ މައްސަލަ ފެންމަތިކުރުމާ ގުޅިގެން އެ ދެ އިދާރާ ގުޅިގެން ކުރާ ތަހުގީގެއް ގޮތުގަ އެވެ.
މޫކޭގެ އަނބިމީހާ ދިރިއުޅޭ އެޕާޓްމަންޓް ވެސް ފުލުހުން ވަނީ ބަލާ ފާސްކޮށްފަ އެވެ. އާރްޑީސީ ކޮރަޕްޝަނުގެ މައްސަލަ ތަހުގީގުކުރަން ފެށިތާ މިހާރު އަހަރެއްހައި ދުވަސްވެއްޖެ އެވެ.
ކޮމެންޓް
Republic of Maldives