ސަައިކަލަކާ ފުލުސް ކާރެއް ޖެހި ނުރައްކާތެެރި އެކްސިޑެންޓެއް: އަނިޔާވި ކުއްޖާގެ ހާލު ވަރަށް ދެރަ

ސަައިކަލަކާ ފުލުސް ކާރެއް ޖެހި ނުރައްކާތެެރި އެކްސިޑެންޓެއް ހިނގައިފި އެވެ.

މި އެކްސިޑެންޓް ހިނގީ ރޭ 01:50 ހާއިރު ހުޅުމާލެ ފޭސް 2 ގައެވެ. އެކްސިޑެންޓް ހިނގީ ސައިކަލާ ފުލުސް ކާރެއް ޖެހި އެވެ.

ސައިކަލު ދުއްވި މީހާއަށް ވަނީ ވަރަށް އަނިޔާވެފަ އެވެ.

ފުލުހުން ބުނީ އަނިޔާވެފައިވަނީ 18 އަހަރުގެ ކުއްޖަކަށް ކަމަށެވެ. އެ ކުއްޖާގެ ހާލު ސީރިއަސް ކަމަށް ހުޅުމާލެ ހޮސްޕިޓަލުން ފުލުހުންނަށް މައުލޫމާތު ދީފައިވާ ކަމަށް ވެސް ބުންޏެވެ.

އެކްސިޑެންޓްގެ މަންޒަރު ފެންނަ ވީޑިއޯ އިން ސައިކަލާއި ކާރަށް ބޮޑެތި ގެއްލުން ވެފައި ވަނިކޮށް ފެނެ އެވެ. ސައިކަލުގެ ބައެއް އޮތީ ފުނޑުފުނޑުވެފަ އެވެ. ފުލުސް ކާރުގެ ކުރީކޮޅު ވެސް ވަނީ ވަނީ ވަރަށް ބޮޑަށް ހަލާކުވެފަ އެވެ.

ބެލެވޭ ގޮތުން ބާރު ސްޕީޑްގައި ދުއްވާފައި އައި ސައިކަލު ކާރުގައި ޖެހި ނުރައްކާތެރި އެކްސިޑެންޓެެއް ހިނގީ އެވެ. އެކްސިޑެންޓް ހިނގަން މެދުވެރިވީ ގޮތް ފުލުހުން އަދި ސާފެއް ނުކޮށް ދެ އެވެ.

މި އެކްސިޑެންޓް ހިނގީ އާ އަހަރާ ދިމާކޮށް މާލެއާ ހުޅުމާލެ ބެލެހެއްޓުމާއި ވެހިކަލްތައް ފާސްކޮށް ބެލުން ފުލުހުން ވަރަށް ބޮޑަށް އިތުރު ކޮށްފައި ވަނިކޮށެވެ.