އާރްޑީސީގެ ހިޔާނާތުގެ މައްސަލާގައި މޫކޭއާއި އަނބިމިހާގެ އެޕާޓުމެންޓުތައް ބަލައިފާސްކުރަނީ

ރޯޑް ޑިވެލޮޕްމެންޓު ކޯޕަރޭޝަން (އާރްޑީސީ)ގެ ކުރީގެ މެނޭޖިން ޑިރެކްޓާ މޫސާ އަލިމަނިކު (މޫކޭ)އާއި އޭނާގެ އަންހެނުންގެ އެޕާޓުމެންޓުތަކެއް ފުލުހުން ބަލަން ފަށައިފި އެވެ. 

މޫކޭއާއި އޭނާގެ އަނބިމީހާގެ އިތުރަށް އާރްޑީސީގެ ޗީފް ފައިނޭންޝަލް އޮފިސަރުގެ މަގާމުގައި ހުރި ޔާސިރު ހަސަންގެ އެޕާޓުމެންޓެއްވެސް ފުލުހުން ބަލައިފާސްކޮށްފައިވެ އެވެ. މި ތިން މީހުންގެ އެޕާޓުމެންޓުތައް ބަލައިފާސްކުރީ މިރޭ ދަންވަރު 2:00 ހާއިރު އެވެ. 

ފުލުހުން މޫކޭއާއި އޭނާގެ އަނބިމީހާއާއި ޔާސިރުގެ އެޕާޓުމެންޓު ބަލައިފާސްކޮށްފައިވާނީ ފާއިތުވި ދައުރުގައި އާރްޑީސީގެ އެކައުންޓުން އޭނާގެ އަމިއްލަ އެކައުންޓަށް 13 މިލިއަން ރުފިޔާ ޖޫރިމަނާކޮށް އެ ފައިސާ މަނީ ލޯންޑާކުރި ކަމުގެ ތުހުމަތުގަ އެވެ. 

ފާއިތުވި ދައުރުގައި ފެންމަތިވި މި މައްސަލާގައި ފުލުހުން ތަހުގީގެއް ފެށީ މަރުކަޒީ ބޭންކު މޯލްޑިވްސް މަނިޓަރީ އޮތޯރިޓީގެ ފައިނޭންޝަލް އިންޓެލިޖެންސް ޔުނިޓު (އެފްއައިޔޫ)އިން އެ މައްސަލަ ފެންމަތިކުރުމާ ގުޅިގެން އެ ދެ އިދާރާ ގުޅިގެން ކުރާ ތަހުގީގެއް ގޮތުގަ އެވެ. 

މިހާތަނަށް ފުލުހުން މިރޭ ހިންގަމުންދާ އޮޕަރޭޝަނާ ގުޅޭ އެއްވެސް މައުލޫމާތެއް ހާމަނުކުރެ އެވެ. އާރްޑީސީ ކޮރަޕްޝަނުގެ މައްސަލަ ތަހުގީގުކުރަން ފެށިތާ މިހާރު އަހަރެއްހައި ދުވަސްވެއްޖެ އެވެ.