ރެކޯޑެއް؛ މި އަހަރު ޒަކާތަށް 98 މިލިއަން ލިބިއްޖެ، އަމާޒަކީ 100 މިލިއަން
މިނިސްޓަރު ވިދާޅުވީ އަމާޒަކީ އަހަރަކު މަދުވެގެން 100 މިލިއަނަށް ފަންޑު ބޮޑުކޮށް ޝަރުއީ އަސާސްގެ އަލީގައި ޒަކާތުގެ ހައްގުވެރިންނަށް ފުޅާދާއިރާއެއްގައި އެހީތެރިވުން ކަމަށެވެ.
ޒަކާތު ފަންޑަށް 98.6 މިލިއަން ރުފިޔާ ލިބިފައިވާކަން ހާމަކުރައްވާ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު މިއަދު ވިދާޅުވީ މިއީ ރާއްޖޭގެ ތާރީހު ގައި އެންމެ ގިނަ އަދަދަކަށް ޒަކާތަށް ފައިސާ ލިބުނު އަހަރު ކަމަށެވެ.
އަދި ވިދާޅުވީ އަމާޒަކީ އަހަރަކު މަދުވެގެން 100 މިލިއަނަށް ފަންޑު ބޮޑުކޮށް ޝަރުއީ އަސާސްގެ އަލީގައި ޒަކާތުގެ ހައްގުވެރިންނަށް ފުޅާދާއިރާއެއްގައި އެހީތެރިވުން ކަމަށެވެ.
"މިއީ ރައީސް ޑރ މުއިއްޒުގެ ސަރުކާރުން ޒަކާތުގެ ހާއްސަ އިދާރާއެއްގެ އުފެެއްދުމުގެ ހެޔޮ ނަތީޖާ،" ޝަހީމް ވިދާޅުވި އެވެ.
މި ސަރުކާރުން ވަނީ ޒަކާތުގެ މަސައްކަތަށް ހާއްސަ އިދާރާއެއްގެ ގޮތުގައި "ޒަކާތު ހައުސް" އުފައްދާފަ އެވެ. އަދި އެ އިދާރާގެ ޑިރެކްޓަރު ޖެނެރަލް އޮފް ޒަކާތުގެ މަގާމަށް އައްޝައިހް އިއްޒައްދީން އަދްނާން ވަނީ އައްޔަނު ކުރައްވާފަ އެވެ.
ކޮމެންޓް
Republic of Maldives