މިނިސްޓަރުގެ އެދިވަޑައިގަތުމެއް | ވުޒާރާއަށް ތުހުމަތުވާ ކޮރަޕްޝަނެއް އޮތް ނަމަ އެންގުން
އަދުގެ ސަރުކާރުން ކޮރަޕްޝަނާ ދެކޮޅަށް ކުރައްވާ ހިތްވަރުގަދަ މަސައްކަތްތައް ފާހަގަކޮށް، ރައީސުލްޖުމްހޫރިއްޔާއަށް މިނިސްޓްރީގެ މުވައްޒަފުން ޝުކުރު އަދާކޮށްފައިވޭ
މިނިސްޓްރީ އޮފް ސިޓީސް ލޯކަލް ގަވަމެންޓް އެންޑް ޕަބްލިކް ވޯކްސްގެ ތެރެއިން ކޮރަޕްޝަނާއި ފަސާދައާއި ގުޅުނުހުރި އެއްވެސްކަމެއް ފާހަގަވެއްޖެނަމަ ސީދާ މިނިސްޓަރަށް ރިޕޯޓުކުރުމަށާއި އެފަދަ ކަންކަން އެންޓި ކޮރަޕްޝަން ކޮމިޝަން (އޭސީސީ) އާއި ހިއްސާކުރުމަށް މިނިސްޓަރު އާދަމް ޝަރީފް އެދިވަޑައިގެންފިއެވެ.
މިނިސްޓްރީ އޮފް ސިޓީސް އިން މިއަދު އެކްސްގައި ހިއްސާކޮށްފައިވާ އަދާހަމައެއްގައި ބުނެފައިވަނީ ކޮރަޕްޝަނާ ދެކޮޅަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ކުރައްވާ މަސައްކަތްތަކާ ގުޅިގެން، އެމަނިކުފާނުގެ އިރުޝާދާއެކު މިނިސްޓްރީގެ މުވައްޒަފުން ކޮރަޕްޝަނާ ދެކޮޅަށް މަސައްކަތް ކުރެއްވުމަށް މިނިސްޓަރ އާދަމް ޝަރީފު އުމަރު، މިނިސްޓްރީގެ މުވައްޒަފުންނާ މިއަދު ހެނދުނު ބައްދަލުކުރައްވާ އިލްތިމާސްކުރައްވާފައިވާ ކަމަށެވެ.
މިނިސްޓްރީގެ އަދާހަމައިގައި އިތުރަށް ބުނެފައިވަނީ މިބައްދަލުވުމުގައި އަދުގެ ސަރުކާރުން ކޮރަޕްޝަނާ ދެކޮޅަށް ކުރައްވާ ހިތްވަރުގަދަ މަސައްކަތްތައް ފާހަގަކޮށް، ރައީސުލްޖުމްހޫރިއްޔާއަށް މިނިސްޓްރީގެ މުވައްޒަފުން ޝުކުރު އަދާކޮށްފައިވާ ކަމަށެވެ.
ރައީސް ޑރ މުހައްމަދު މުއިއްޒު ސަންގު ޓީވީއަށް ދެއްވި ބަސްދީގަތުމެއްގައިވަނީ ކޮރަޕްޝަންގެ އަމަލެއް ނޫނީ ގަވައިދާ ހިލާފަށް ކުރާކަމެއް ހުއްޓުވުމުގައި ފަހަތައް ޖެހިވަޑައިނުގަންނަވާނެކަމަށް ވިދާޅުވެފައެވެ.
ކޮމެންޓް
Republic of Maldives