މަގުމަތީ އުޅޭ ބުޅާތަކަށް ހާނިއްކަކޮށް ނުމަރަން އިލްތިމާސްކޮށްފި
"ޖަނަވާރުންނަށް ރަހުމުކޮށް، އަޅާލައި، އެތަކެއްޗަށް އޯގާތެރިވުމަށް އިސްލާމް ދީން ވެސް ބާރު އަޅާ. މިގޮތުން އިސްލާމް ދީނުގައި ވަނީ ޖަނަވާރުގެ ހައްގުތައް ކަށަވަރުކޮށްދީފައި،" މިނިސްޓްރީގެ ބަޔާނުގައިވެ އެވެ.
މަގުމަތީގައި ވީއްލިގެން އުޅޭ ބުޅާތަކަށް ގޯނާކޮށް، ހާނިއްކަކޮށް އަދި ނުމެރުމަށް އެނިމަލް ވެލްފެއާ މިނިސްޓްރީން އިލްތިމާސްކޮށްފި އެވެ.
އެ މިނިސްޓްރީން ރޭ ނެރުނު ބަޔާނެއްގައި ބުނެފައި ވަނީ ބައެއް ފަރާތްތަކުން މަގުމަތީ އުޅޭ ބުލަކަށް ގޯނާކޮށް މަރާކަން ފާހަގަވަމުންދާ ކަމަށެވެ. މަގުމަތީ އުޅޭ ބުޅާތަކަށް ހާނިއްކަކޮށް މެރުމަކީ ޖަނަވާރުގެ ދުޅަހެޔޮކަމުގެ މިންގަނޑުތަކާ ހިލާފުކަމެއް ކަމަށް މިނިސްޓްރީން ވަނީ ބުނެފަ އެވެ.
ޖަނަވާރުންގެ ދުޅަހެޔޮކަމުގެ މަފްހޫމުގައި ބައިނަލްއަގްވާމީ ފެންވަރުގައި ބަލައިގެންފައިވާ، ޖަނަވާރުންނަށް ލިބިގެންވާ ފަސް މިނިވަން ކަމެއް ވެސް އެ ބަޔާނުގައި ފާހަގަކޮށްފައިވެ އެވެ. އެއީ؛
- ހައިހޫނުކަމާއި، ކަރުހިއްކުމާއި، ކާޑުބަލިން މިންޖުވުމުގެ މިނިވަންކަން
- ބިރުގަތުމާއި، ހާސްވުމާއި، ކަންބޮޑުވުން މިންޖުވުމުގެ މިނިވަންކަން
- ޖިސްމާނީ ގޮތުން އަރާމުނުލިބުމުން މިންޖުވުމުގެ މިނިވަންކަން
- ވޭނާއި، ހާނިއްކައާއި ބަލި ބަލީން މިންޖުވުމުގެ މިނިވަންކަން
- އާދަވެގެން ޖަނަވާރު އުޅޭ އުޅުމަށް އެޅޭ ހުރަސްތަކުން މިންޖުވުމުގެ މިނިވަންކަން
މިނިސްޓްރީން ބުނެފައި ވަނީ ރާއްޖެއިން ބައިވެރިވެފައިވާ، ދުނިޔޭގެ ޖަނަވާރުގެ ސިއްހަތާބެހޭ ޖަމިއްޔާގެ އެނިމަލް ހެލްތު ކޯޑުގައި ޖަނަވާރުންގެ ދުޅަހެޔޮކަމަށް ހާއްސަ އަހަންމިއްޔަތު ކަމެއް ދީފައިވާ ކަމަށެވެ.
"ޖަނަވާރުންނަށް ރަހުމުކޮށް، އަޅާލައި، އެތަކެއްޗަށް އޯގާތެރިވުމަށް އިސްލާމް ދީން ވެސް ބާރު އަޅާ. މިގޮތުން އިސްލާމް ދީނުގައި ވަނީ ޖަނަވާރުގެ ހައްގުތައް ކަށަވަރުކޮށްދީފައި،" މިނިސްޓްރީގެ ބަޔާނުގައިވެ އެވެ.
މިނިސްޓްރީން ބުނެފައި ވަނީ އިންސާނުންނާއި ޖަނަވާރުންވެސް ދިރިއުޅޭން ލައްވާފައިވާ ތަނަކީ ދުނިޔެ ކަމަށްވުމުން، ދުނިޔެއަކީ ޖަނަވާރުންނަށް ވެސް ރައްކާތެރި އަދި ރަގަޅު ތަނަކަށް ހެދުމަށް ބައިނަލްއަގްވާމީ ފެންވަރުގައި ވެސް ބާރުއަޅާ ކަމަށެވެ. އެހެންކަމުން އެއްވެސް ޖަމަވާރަކަށް އަނިޔާއެއް ނުދިނުމަށާއި އެތަކެއްޗަށް އަޅާލައި އޯގާތެރިވުމަށް މިނިސްޓްރީން ވަނީ އިލްތިމާސްކޮށްފަ އެވެ.
ކޮމެންޓް
Republic of Maldives