ރާއްޖޭގައި ބިދޭސީ އަންހެނަކު ރޭޕުކޮށް މަރާލި ވާހަކަ އަކީ ދޮގެއް
ބިދޭސީ އަންހެނަކު ގޭންގަކުން ރޭޕްކޮށް މަރާލާފައިވާ ކަމަށް ބުނެ ބަޔަކު ދަނީ ވާހަކަ ފަތުރަމުންނެވެ.
ރާއްޖޭގައި ބިދޭސީ އަންހެނަކު ރޭޕުކޮށް މަރާލާފައިވާ ކަމަށް ބުނެ ދެކެވޭ ވާހަކަތައް ހޯމް ލޭންޑް މިނިސްޓްރީއާ ފުލުހުން ދޮގުކޮށްފި އެވެ.
ބިދޭސީ އަންހެނަކު ގޭންގަކުން ރޭޕްކޮށް މަރާލާފައިވާ ކަމަށް ބުނެ ބަޔަކު ދަނީ ވާހަކަ ފަތުރަމުންނެވެ. ބައެއް ޕޯސްޓްތަކުގައި ބުނަނީ އެއީ އިންޑޮނޭޝިއާ އަންހެނެއް ކަމަށެވެ. ބައެއް ޕޯސްޓްތަކުގައި ނޭޕާލް މީހެއް ކަމަށް ވެސް ބުނެފައިވެ އެވެ.
ހޯމް މިނިސްޓަރު އިހުސާން ވިދާޅުވީ ބިދޭސީ އަންހެނަކު ގޭންގަކުން ރޭޕްކޮށް މަރާލާފައިވާ ކަމަށް ބުނެ އާންމުކޮށްފައިވާ ވީޑިއޯ އަކީ ރާއްޖޭގައި ހިނގި ކަމެއް ނޫން ކަމަށެވެ. އެއީ 2021 ވަނަ އަހަރު ބަންގްލަދޭޝްގައި ހިނގި ކަމެއް ކަމަށް ވިދާޅުވި އެވެ.
ފުލުހުން ވެސް ބުނީ އެފަދަ ހާދިސާއެއް ރާއްޖޭގައި ހިނގާފައި ނުވާ ކަމަށެވެ. އަދި އެފަދަ މައްސަލައެއް ބަލަމުން ނުދާ ކަމަށް ވެސް ބުންޏެވެ.
ކޮމެންޓް
Republic of Maldives