އެޗްޑީސީން ވަގަށް ނެގި ލެޕްޓޮޕްތައް ހޯދައިފި
ފުލުހުން ދެންމެ ބުނީ އެ ލެޕްޓޮޕްތައް ހޯދާފައިވާ ކަމަށެވެ. ފުލުހުން ބުނީ ސަސްޕެކްޓް ކުރެވޭ މީހާ ހުރީ ފުލުހުންގެ ބަންދުގައި ކަމަށެވެ.
ހުޅުމާާލޭގެ ބެލެނިވެރިކަން އޮތް ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ވަގަށް ނެގި ލެޕްޓޮޕްތައް ހޯދައިފި އެވެ.
އެޗްޑީސީން ވަގަށް ނަގާފައި ވަނީ ފަސް ލެޕްޓޮޕެވެ. އެޗްޑީސީ އިން ލެޕްޓޮޕްތަކެއް ވަގަށް ނެގި މައްސަލައެއް ބަލަމުންދާ ކަމަށް ފުލުހުން ބުނީ މިރެ އެވެ. ލެޕްޓޮޕްތައް ގެއްލުނީ އެޗްޑީސީގެ ފަރުކޮޅު އޮފީހުންނެވެ.
ފުލުހުން ބުނީ ސަސްޕެކްޓް ކުރެވޭ މީހާ ހުރީ ފުލުހުންގެ ބަންދުގައި ކަމަށެވެ. އޭނާ ހައްޔަރު ކުރީ މަސްތުވާތަކެތީގެ މައްސަލައެއްގައި ކަމަށް ވެެސް ބުންޏެވެ،
އޭނާގެ ފަރާތުން މައުލޫމާތު ހޯދައިގެން ލެޕްޓޮޕްތައް ހޯދުމުގެ މަސައްކަތް ކުރަމުންދާ ކަމަށް މިރޭ ބުންޏެވެ. އެމީހާ ހައްޔަރު ކުރީ އިއްޔެ ދުވަހު އެވެ.
ފުލުހުން ދެންމެ ބުނީ އެ ލެޕްޓޮޕްތައް ހޯދާފައިވާ ކަމަށެވެ.
އެޗްޑީސީ އިން ލެޕްޓޮޕްތަކެއް ވަގަށް ނަގާފައި މިވަނީ ހުޅުމާލެ އިން ވަގަށް ބިންތަކެއް ވިއްކި މައްސަލައެއް ފެންމަތިވެ އެ މައްސަލަ ބަލަމުން ދަނިކޮށެވެ. އެ މައްސަލައާ ގުޅިގެން އެޗްޑީސީގެ އެމްޑީގެ މަގާމުން ފަޒުލް ރަޝީދު ވަނީ އިސްތިއުފާ ދެއްވާފަ އެވެ. ބެލެވޭ ގޮތުން އިސްތިއުފާ ދެއްވީ ޕްރެޝަރު ބޮޑުވެ ރައީސް ވެސް އެގޮތަށް އެންގެވުމުންނެވެ.
އޭނާ އިސްތިއުފާ ދެއްވީ އެ މައްސަލައިން ބަރީއަވާން ވަރަށް ގިނަ ވާހަކަތައް ދައްކަވާ ނަޒާހަތްތެރިކަން ސާބިތުކޮށް ދެއްވުމަށް މަސައްކަތް ކުރެެއްވުމަށް ފަހު އެވެ. ވަގަށް ގޯތި ހޯދި ބޭފުޅުންގެ ތެރޭގައި ފަޒުލްގެ ބޭބެ ހިމެނެ އެވެ.
އޭނާ އަކީ ފެން ކުންފުނީގެ ޑީއެމްޑީ އެވެ. މައްސަލަ ފެންމަތިވުމުން އޭނާ ވަނީ ސަސްޕެންޑް ކޮށްފަ އެވެ. ފަޒުލް އިސްތިއުފާ ދެއްވުމުން އެޗްޑީސީގެ އެމްޑީގެ މަގާމު ދެއްވީ ޑރ. މައުރޫފް ޖަމީލަށެވެ.
ކޮމެންޓް
Republic of Maldives