ޕީއެސްއެމްގެ އެމްޑީއަކަށް ނަސްރީން، ޗެއާޕާސަނަކަށް ނަމްޒާ އައްޔަނު ކޮށްފި
ސަރުކާރުގެ ވާހަކަތަކަށް އިސްކަން ދީފައި އޮންނަ ދައުލަތުގެ މީޑިއާ ހައުސް -- ޕީއެސްއެމްގެ އެމްޑީގެ މަގާމު ހުސްވީ ކުރީން އެ މަގާމުގައި ހުރި މުހައްމަދު ސައީދު އިސްތިއުފާ ދިނުމުންނެވެ. އޭނާ އިސްތިއުފާ ދިނީ މި މަހުގެ 17 ވަނަ ދުވަހު އެވެ.
ޕަބްލިކް ސާވިސް މީޑިއާ (ޕީއެސްއެމް)ގެ މެނޭޖިން ޑިރެކްޓަރުގެ މަގާމަށް އިބްރާހިމް ނަސްރީން މިއަދު އައްޔަނު ކޮށްފި އެވެ.
ނަސްރީން އެމްޑީގެ މަގާމަށް އައްޔަނު ކޮށްފައިވާއިރު، ޗެއާޕާސަންގެ މަގާމަށް އާމިނަތު ނަމްޒާ އައްޔަނު ކޮށްފައިވާ ކަމަށް ޕްރައިވަޓައިޒޭޝަން ކޯޕަރޭޝަން ބޯޑު (ޕީސީބީ) އިން މިއަދު ވަނީ އިއުލާނު ކޮށްފަ އެވެ.
ސަރުކާރުގެ ވާހަކަތަކަށް އިސްކަން ދީފައި އޮންނަ ދައުލަތުގެ މީޑިއާ ހައުސް -- ޕީއެސްއެމްގެ އެމްޑީގެ މަގާމު ހުސްވީ ކުރީން އެ މަގާމުގައި ހުރި މުހައްމަދު ސައީދު އިސްތިއުފާ ދިނުމުންނެވެ. އޭނާ އިސްތިއުފާ ދިނީ މި މަހުގެ 17 ވަނަ ދުވަހު އެވެ.
ނަސްރީނަކީ ޕީއެސްއެމް ގައި ގިނަ ދުވަސްތަކެއް ވީ އަދި އެ ސްޓޭޝަންގެ ސޭލްސް އެންޑް މާކެޓިންގެ މަގާމުގައި ހުރި ބޭފުޅެކެވެ.
ޗެއާޕާސަންގެ މަގާމަށް އައްޔަނު ކުރި ނަމްޒާއަކީ ގިނަ ދުވަސްތަކެއް ވަންދެން ޓީވީ ޕްރެޒެންޓަރެއްގެ ގޮތުގައި މަސައްކަތް ކުރައްވާފައިވާ އަދި މިހާރު ވެސް ހާއްސަ ޕްރޮގްރާމުތައް ޕްރެޒެންޓް ކުރައްވާ ބޭފުޅެކެވެ. ނަމްޒާ އެ މަގާމަށް އައްޔަނު ކުރެއްވިއިރު ހުންނެވީ ލޯކަލް ގަވަމަންޓް މިނިސްޓްރީގެ ޑެޕިއުޓީ މިނިސްޓަރެއްގެ މަގާމުގަ އެވެ.
މި ސަރުކާރު ފެށުނުއިރު ނަމްޒާ އެންމެ ފުރަތަމަ ހުންނެވީ ޖެންޑާ މިނިސްޓްރީގެ ޑެޕިއުޓީ މިނިސްޓަރެއްގެ މަގާމުގަ އެވެ.
ކޮމެންޓް
Republic of Maldives