ފެނަކައިގެ އެމްޑީއަކަށް ނަޖާހު އައްޔަނު ކޮށްފި
ފެނަކައިގެ ޑިރެކްޓަރުންގެ ބޯޑަށާއި އެމްޑީގެ މަގާމަށް ބޭފުޅަކު އައްޔަނު ކޮށްފައި ވަނީ، އެ މަގާމުގައި ހުންނެވި މުއާޒް މުހައްމަދު ރަޝީދު މިއަދު އިސްތިއުފާ ދެއްވުމާ ގުޅިގެންނެވެ.
ފެނަކަ ކޯޕަރޭޝަންގެ މެނޭޖިން ޑިރެކްޓަރުކަމުގެ މަގާމަށް މޭޖާ (ރިޓަޔާޑް) މުހައްމަދު ނަޖާހު އައްޔަނު ކޮށްފި އެވެ.
އެ މަގާމަށް ނަޖާހު އައްޔަނު ކޮށްފައިވާ ކަމަށް ޕްރައިވަޓައިޒޭޝަން ކޯޕަރޭޝަން ބޯޑު (ޕީސީބީ) އިން މިއަދު ވަނީ އިއުލާނު ކޮށްފަ އެވެ. ނަޖާހު އަކީ ސިފައިންގޭގައި 21 އަހަރު ދުވަހު ހިދުމަތް ކުރައްވާފައިވާ ބޭފުޅެކެވެ.
ފެނަކައިގެ ޑިރެކްޓަރުންގެ ބޯޑަށާއި އެމްޑީގެ މަގާމަށް ބޭފުޅަކު އައްޔަނު ކޮށްފައި ވަނީ، އެ މަގާމުގައި ހުންނެވި މުއާޒް މުހައްމަދު ރަޝީދު މިއަދު އިސްތިއުފާ ދެއްވުމާ ގުޅިގެންނެވެ. އޭނާ އިސްތިއުފާ ދެއްވާފައި ވަނީ ފެނަކަ އޮތް ހާލަތުން އަރައިގަތުމަށް މަސައްކަތް ކުރައްވަން އުނދަގޫ ކަމަށް ވިދާޅުވެ އެވެ.
އިސްތިއުފާ ދެއްވިކަން ހާމަކުރައްވާ މުއާޒު ވަނީ އެކްސް ގައި އިސްތިއުފާގެ ސިޓީ އާންމު ކުރައްވާފަ އެވެ. ދެ ސަފްހާގެ ދިގު އެ ސިޓީގައި އޭނާ ވިދާޅުވީ ކުންފުންޏަށް ލިބޭ އާމްދަނީއަށް ވުރެ ކުރަން ޖެހޭ ހަރަދު ބޮޑުވުމުން ދެެމެހެއްޓެނިވި ގޮތެއްގަައި ހިދުމަތް ފޯރުކޮށް ނުދެވޭނެ ހާލަތަކަށް އެ ކުންފުނީގެ އޮޕަރޭޝަން ވެއްޓިފައިވާ ކަމަށެވެ.
އަދި އޭނާ ހުރެގެން އެކަންކަން ރަނގަޅު ކުރެވޭނެ އަލިމަގެއް ފެންނަން ނެތުމުން ފެނަަކައިގެ އެމްޑީގެ މަގާމުން އިސްތިއުފާ ދެއްވާ ކަމަށެވެ.
މުއާޒުގެ ސިޓީގައި މިދިޔަ މުއްދަތުގައި އޭނާ މަސައްކަތް ކުރީ އިހުލާސްތެރި ކަމާއެކު ކުންފުނީގެ ކަންކަން ރަނގަޅު ކުރުމަށް ކަމަށް ވިދާޅުވެ ކުންފުންޏަށް ދިމާވެފައިވާ ހާލަތު ތަފްސީލު ކޮށް ދެއްވާފައިވެ އެވެ.
ކޮމެންޓް
Republic of Maldives