ކުރީގެ ފިނޭންސް މިނިސްޓަރު ޝަފީގު އެޗްޑީއެފްސީގެ ބޯޑަށް
ޝަފީގު ވަނީ މީގެ ކުރިން އެޗްޑީއެފްސީގެ ފައިނޭންސް ހެޑްގެ މަގާމު ވެސް ފުރުއްވާފަ އެވެ. އޭގެ ފަހުން ނޮވެމްބަރު 17، 2023 ގައި ފިނޭންސް މިނިސްޓަރުގެ މަގާމަށް ވަނީ އައްޔަނު ކޮށްފަ އެވެ.
މި ސަރުކާރުގެ ފުރަތަމަ ފިނޭންސް މިނިސްޓަރު، ޑރ. މުހައްމަދު ޝަފީގު، ހައުސިން ޑިވެލޮޕްމަންޓް ފައިނޭންސް ކޯޕަރޭޝަން (އެޗްޑީއެފްސީ) ގެ ބޯޑަށް އައްޔަނު ކޮށްފި އެވެ.
ސަރުކާރު ހިއްސާވާ ކުންފުނިތަކުގެ ބޯޑަށް މެންބަރުން އައްޔަނު ކުރާ ޕްރައިވެޓައިޒޭޝަން އެންޑް ކޯޕްރަޓައިޒޭޝަން ބޯޑު (ޕީސީބީ)ގެ ވެބްސައިޓުން ދައްކާގޮތުގައި، ޝަފީގު އެޗްޑީއެފްސީގެ ބޯޑު މެމްބަރެއްގެގޮތުގައި އައްޔަނު ކޮށްފައި ވަނީ މި މަހުގެ ދެވަނަ ދުވަހު އެވެ.
ޝަފީގު ވަނީ މީގެ ކުރިން އެޗްޑީއެފްސީގެ ފައިނޭންސް ހެޑްގެ މަގާމު ވެސް ފުރުއްވާފަ އެވެ. އޭގެ ފަހުން ނޮވެމްބަރު 17، 2023 ގައި ފިނޭންސް މިނިސްޓަރުގެ މަގާމަށް ވަނީ އައްޔަނު ކޮށްފަ އެވެ.
ނަމަވެސް މިދިޔަ ސެޕްޓެމްބަރު މަހުގެ 30 ވަނަ ދުވަހު މަގާމުން ވަނީ އިސްތިއުފާ ދެއްވާފަ އެވެ. ޝަފީގު އިސްތިއުފާ ދެއްވުމުން ފިނޭންސް މިނިސްޓަރަކަށް ރައީސް ޑރ. މުހައްމަދު މުއިއްޒު އައްޔަނު ކުރެއްވީ އޭރު ފޮރިން މިނިސްޓަރުގެ މަގާމުގައި ހުންނެވި މޫސާ ޒަމީރެވެ.
އެޗްޑީސީއެފްސީ އަކީ ހެދޮރު ގަތުމަށް އެހީތެރިވުމަށް 2004 ވަނަ އަހަރު ރައީސުލްޖުމްހޫރިއްޔާގެ ހާއްސަ ގަރާރަކުން އުފައްދާފައިވާ ކުންފުންޏެކެވެ.
ކޮމެންޓް
Republic of Maldives