މަރިޔަމް ނިޝާ ދިވެހި އެފްއެމްއާ ގުޅެނީތަ؟
ދިވެހީންގެ މެދުގައި އެންމެ މަގުބޫލު އެފްއެމް ޗެނަލް "ދިވެހި އެފްއެމް 91" އިން އިއްޔެ އާންމުކުރި ޓްރެއިލާ އެއްގައި ފެންނަނީ މަޝްހޫރު ފިލްމީ ތަރި މަރިޔަމް ނިޝާ، އެ ސްޓޭޝަންގެ ޕްރަގްރާމެއް ހުށައަޅައިދިނުމަށް ތައްޔާރު ވަމުންދަނިކޮށެވެ. 44 ސިކުންތުގެ އެ ޓްރެއިލާ ނިންމާލަނީ އެހެންތެރީންނަށް ބޮޑު ސުވާލެއް ކުރިމަތި ކުރުވަމުންނެވެ.
އެއީ ދިވެހި ފިލްމީ އިންޑަސްޓްރީ ދުށް އެންމެ މޮޅު އެކްޓްރެސް އެ ޗެނަލާ ގުޅެނީތޯ ސުވާލު ކުރަމުންނެވެ. އެ ސުވާލަށް މިވަގުތު ދޭނެ ޖަވާބެއް ނެތެވެ. އެ ސުވާލުގެ ޖަވާބު ހޯދަން އަދި ދިގު އިންތިޒާރެއް ކުރަން ޖެހެ އެވެ. ސުވާލުގެ ހަގީގީ ޖަވާބު ލިބޭނީ އަންނަ މަހުގެ ތިންވަނަ ދުވަހު އެވެ.
ޓްރެއިލާ ގައި ފެނިގެން ދަނީ ޝޯއެއް ހޯސްޓް ކުރަން މަރީ ތައްޔާރު ވަމުން ދަނިކޮށެވެ. ފަރިތަކަމާ މަރީގެ ފަރި ކަމާއެކު ޕްރެސެންޓަރުގެ ގޮޑީގައި އިށީންދެ ހަމަޖެހިލަ އެވެ. ހެޑް ސެޓް ނަގާ ކަންފަތުގައި އެޅުވުމަށް ފަހު ތައްޔާރު ވަނީ ޝޯއެއް ފެށުމަށެވެ. ޓްރެއިލާގެ ވަކި ހިސާބަކުން ނިޝާގެ އެންމެ ވިދުން ގަދަވި "މޫނޭ ތީ ހިތް އެދޭ" މިލަވައިގެ ތަންކޮޅެއް އިވިގެން ދެ އެވެ.
އެ ލަވަ އަޑުއަހަން މަރީ އިންނަނީ ލަދުރަކިކަމާ އެކު އެވެ.
ކޮންމެ އަކަށް ދިވެހި ފިލްމީ އިންޑަސްޓްރީ އުފެއްދި އެންމެ މޮޅު އެކްޓްރެސްއަށް މި ފަހަރު އޭނާ މި ގަސްތުކުރި މަސައްކަތް ކާމިޔާބުވާނެތޯ ބަލަން ތިބެމާ ހިނގާށެވެ. މަރީ ދިވެހި އެފްއެމްއާ ގުޅޭކަން ނުވަތަ ނޫންކަން އަދި މަރީއަށް ހުށެެއެޅުންތެރިއަކަށް ވެވިދާނެކަން ނުވަތަ ނޫންކަން ޖަނަވަރީ ތިންވަަނަ ދުވަހު އެނގިގެން ދާނެ އެވެ.
މިއީ ދިވެހި ފަންނާނުންނާ ވެސް ވަރަށް ގާތްގުޅުމެއް އޮންނަ އެ ފަންނާނުންގެ އުފެއްދުންތަކަށް ރަނގަޅު ފުރުސަތުތަކެއް ހޯދައި ދޭ ޗެނަލް އެއްވެސް މެ އެވެ.
ވަރަށް ގިނަ ދިވެހީންގެ މުނިފޫހިފިލުވުމުގެ އެންމެ ގާތް އެކުވެރިއަކީ ދިވެހި އެފްއެމް 91 އެކެވެ.
ކޮމެންޓް
Republic of Maldives