މާލެއަށް ކުރި ވިއްސާރާގައި 47 ތަނެއްގައި ވެލިބަސްތާ ޖެހި، އަށް ގޭބީސީއަކަށް އެހީ ފޯރުކޮށްދިން

އެންޑީއެމްއޭއިން ނެރުނު ބަޔާނެއްގައި ބުނެފައިވަނީ ފެންބޮޑުވުމާ ގުޅިގެން އެ އޮތޯރިޓީއާއި ސިފައިންނާއި ފުލުހުންނާއި ދިވެހި ރެޑްކްރެސެންޓުގެ ހޮޓްލައިންތަކަށް 101 ފޯނުކޯލު ލިބުނު ކަމަށެވެ.

ފެން ވަދެ ގެއްލުންވި ގެއެއް އެންޑީއެމްއޭއިން އިންސްޕެކްޓުކުރަނީ، ފޮޓޯ: އެންޑީއެމްއޭ

ރެއާއި މިއަދު މާލެއަށް ކުރި ވިއްސާރައިގަ 47 ތަނެއްގައި ވެލިބަސްތާ ޖަހައި އަށް އާއިލާއަކަށް ވަގުތީ ބޯހިޔާވަހިކަމާއި ކެއިންބުއިން ހަމަޖައްސައިދީ އެހީތެރިކަން ފޯރުކޮށްދީފައިވާ ކަމަށް ނޭޝަނަލް ޑިޒާސްޓާ މެނޭޖުމެންޓު އޮތޯރިޓީ (އެންޑީއެމްއޭ)އިން ބުނެފި އެވެ. 

ހުއްޓާނުލައި ރެއާއި މިއަދު ހެނދުނު ކުރި ވިއްސާރައިގެ ސަބަބުން މާލޭގެ ބޮޑު ބައެއްގައި ފެންބޮޑުވި އެވެ. އަދި ވަރަށް ގިނަ ގެއަށް ފެން ވަދެ އެކި މިންވަރުގެ ގެއްލުންތައް ލިބުނުކަމަށްވެސް އާންމުން އަންނަނީ ސޯޝަލް މީޑިޔާގައި ރިޕޯޓުކުރަމުންނެވެ. 

އެންޑީއެމްއޭއިން ނެރުނު ބަޔާނެއްގައި ބުނެފައިވަނީ ފެންބޮޑުވުމާ ގުޅިގެން އެ އޮތޯރިޓީއާއި ސިފައިންނާއި ފުލުހުންނާއި ދިވެހި ރެޑްކްރެސެންޓުގެ ހޮޓްލައިންތަކަށް 101 ފޯނުކޯލު ލިބުނު ކަމަށެވެ. 

އަދި އިމާރާތްތަކަށް ފެން ވަނުން ކޮންޓުރޯލުކުރުމަށް ސިފައިންނާއި މާލޭ ސިޓީ ކައުންސިލު ގުޅިގެން 47 ތަނެއްގައި 229 ވެލިބަސްތާ ޖެހި އެވެ. އޭގެ ތެރޭގައި ގެތަކުގެ އިތުރަށް ފިހާރަތަކާއި ގުދަން ފަދަ ތަންތަން ހިމެނޭކަމަށް އެ އިދާރާއިން ބުންޏެވެ. 

ހަމައެހެންމެ ފެންބޮޑުވުމުގެ ސަބަބުން ވަގުތުން އެހީތެރިކަން ބޭނުންވާ 12 ގޭބީސީއެއްގެ ރެޕިޑް އެސިސްމެންޓު ހެދި އެވެ. އެ އެސެސްމެންޓުތައް ހެދީ ދިވެހި ރެޑްކްރެސެންޓުގެ އެހީތެރިކަމާއެކު ކަމަށް އެންޑީއެމްއޭއިން ބުނެފައިވެ އެވެ. 

އަދި އަށް ގޭބީސީއަކުން 32 މީހުންނަށް އެއް ދުވަހުގެ މުއްދަތަށް ވަގުތީ ބޯހިޔާވަހިކަމާއި ކެއިންބުއިން ހަމަޖައްސައި ދީފައިވާނެ ކަމުގައި އެ އޮތޯރިޓީން ބުނެފައިވެ އެވެ. 

މިފަދައިން ވަގުތީ އެހީތެރިކަން ފޯރުކޮށްދިން މީހުންނަކީ އެމީހުން ދިރިއުޅުނު ތަންތަަނުގައި ކައްކައި ކައިބޮއި ހަދައި ނިދައި ފާހާނާކުރެވޭނެ ގޮތެއް ނެތިވެ، ވަގުތީ ގޮތުން އެތަންތަނުގައި ދިރިއުޅެވޭނެ ގޮތެއް ނެތިވެފައިވާ މީހުންނެވެ. 

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.