އެންމެ ބޮޑު އެއް ވައްކަމަކީ މަދު ބަޔަކަށް އެތައް ބިލިއަން ރުފިޔާއެއްގެ ބިން ހިލޭ ބަހާލުން: މޫސަ
މޫސަ ވިދާޅުވީ ހުޅުމާލެ އިން މިގޮތަށް ބިންތައް ދިނުމުގެ ސަބަބުން ދައުލަތަށް މަދުވެގެން 50 ބިލިއަނެއްހާ ރުފިޔާގެ ގެއްލުންވާނެ އެވެ.
މި ފަހުގެ ތާރީހެއްގައި ބަޔަކު ކުރި އެންމެ ބޮޑު އެއް ވައްކަމަކީ މާލޭ ސަރަހައްދުން މަދު ބަޔަކަށް އެތައް ބިލިއަން ރުފިޔާއެއްގެ ބިން ހިލޭ ބަހާލުން ކަމަށް މަޖިލީހުގެ ކުރީގެ މައިނޯރިޓީ ލީޑަރު މޫސާ ސިރާޖް ވިދާޅުވެއްޖެ އެެވެ.
އޭނާ މިހެން ވިދާޅުވީ ބިންވެރިޔާ ސްކީމުގެ ދަށުން ގޯތި ނުލިބޭ ފަރާތްތަކަކަށް ހުޅުމާލެއިން ގޯތިތަކެއް ދިންކަމަށް ތުހުމަތުވާ މައްސަލައިގައި ސަރުކާރަށް ވަރަށް ބޮޑަށް ފާޑުކިޔުން އަމާޒުވެފައި ވަނިކޮށެވެ. މޫސަ އަކީ ކުރީން އެމްޑީޕީގެ މެންބަރެއް ނަަމަވެސް އޭނާ ވަނީ ރިޔާސީ އިންތިހާބުގެ އެންމެ ފޯރިގަދަ ދުވަސްކޮޅު ޕާޓީ ބަދަލު ކުރައްވާ ރައީސް މުއިއްޒުގެ ޕީއެންސީއާ ގުޅިވަޑައިގެންފަ އެވެ.
މޫސާ ސިރާޖު ވިދާޅުވީ މި ފަހުގެ ތާރީހެއްގައި ބަޔަކު ކުރި އެންމެ ބޮޑު އެއް ވައްކަމަކީ މާލޭ ސަރަހައްދުން މަދު ބަޔަކަށް އެތައް ބިލިއަން ރުފިޔާއެއްގެ ބިން ހިލޭ ބަހާލުން ކަމަށެވެ. އޭނާ އިޝާރާތް އެ ކުރައްވަނީ ކުރީގެ ރައީސް އިބްރާހިމް މުހައްމަދު ސޯލިހްގެ ސަރުކާރުން ހުޅުމާލެ އިން މާލޭ މީހުންނަށް ބިން ދޫކުރި ދޫކުރުމަށެވެ. އެތައް ހާސް ބަޔަކު ގޯއްޗަށް އެދިފައި ވަނިކޮށް ރާއްޖޭގެ އެންމެ އަގު ބޮޑު ބިން -- ހުޅުމާލެ އިން ގޯތި ދިނީ ވަރަށް މަދު ބަޔަކަށެވެ. އެ ދިން އުސޫލާ އަދި ހުޅުމާލެ އިން ވަކި ބަޔަކަށް ބިން ދޫކުރުން ގިނަ ބަޔަކު ކުށްވެރި ކުރެ އެވެ.
މޫސަ ވިދާޅުވީ ހުޅުމާލެ އިން މިގޮތަށް ބިންތައް ދިނުމުގެ ސަބަބުން ދައުލަތަށް މަދުވެގެން 50 ބިލިއަނެއްހާ ރުފިޔާގެ ގެއްލުންވާނެ އެވެ.
ކޮމެންޓް
Republic of Maldives