"މި ސަރުކާރުގައި ވަގުންނަށް ޖާގައެއް ނޯންނާނެ"
"ވައްކަމުގެ ތުހުމަތު ކުރެވުނީމައި މައްސަލަ ބަލައި ފިޔަވަޅު އަޅާނެ. ރައީސް މުއިއްޒުގެ ސަރުކާރުގައި ވަގުންނަށް ޖާގައެއް ނޯންނާނެ،" އޭނާ އެކްސްގައި ލިޔުއްވާފައިވެ އެވެ.
ރައީސް ޑރ. މުހައްމަދު މުއިއްޒުގެ ސަރުކާރުގައި "ވަގުންނަށް" އެއްވެސް ޖާގައެއް ނޯންނާނެ ކަމަށް ހިތަދޫ މެދު ދާއިރާގެ މެންބަރު އަހުމަދު އަޒާން ވިދާޅުވެއްޖެ އެވެ.
އަޒާން މިހެން ވިދާޅުވީ ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) އިން ބިންވެރިޔާ ސްކީމުގެ ދަށުން ބިން ނުލިބޭ ބައެއް ފަރާތްތަކަށް ބިން ދޫކޮށް، އެ ބިންތަކުގައި އިންފާރު ރޭނުމުގެ ހުއްދަ ދިން މައްސަލަ ކަމާބެހޭ އިދާރާތަކުން ބަލަމުން ދަނިކޮށެވެ.
އެ މައްސަލައިގައި އެޗްޑީސީގެ މެނޭޖިން ޑިރެކްޓަރު ފަޒުލް ރަޝީދުގެ އިތުރުން ބޯޑު މެންބަރުން ޕީސީބީއިން ސަސްޕެންޑް ކުރި ހަބަރަކަށް އިޝާރާތް ކުރައްވަމުން އަޒާން ވިދާޅުވީ މިއީ އެހެން ސަރުކާރު ހިއްސާވާ ކުންފުނިތަކަށް ވެސް ލިބޭ ރަގަޅު މެސެޖެއް ކަމަށް އުންމީދު ކުރައްވާ ކަމަށެވެ.
"ވައްކަމުގެ ތުހުމަތު ކުރެވުނީމައި މައްސަލަ ބަލައި ފިޔަވަޅު އަޅާނެ. ރައީސް މުއިއްޒުގެ ސަރުކާރުގައި ވަގުންނަށް ޖާގައެއް ނޯންނާނެ،" އޭނާ އެކްސްގައި ލިޔުއްވާފައިވެ އެވެ.
އުސޫލުން ބޭރުން އިންފާރު ރޭނުމުގެ ހުއްދަ އެޗްޑީސީން ދީފައިވާ ފަރާތްތަކުގެ ތެރޭގައި އެމްޑީ ފަޒުލްގެ ބޭބެއެއްވެސް ހިމެނެ އެވެ. އެ ފަރާތްތަކަށް ހުއްދަ ދިނުމަށްފަހު، އެއީ ބިންވެރިޔާ ސްކީމުގެ ދަށުން ގޯތި ލިބުނު ބައެއްކަން ކަށަވަރުކުރުމަށް އެޗްޑީސީން ވަނީ ހައުސިން މިނިސްޓްރީއަށް ސިޓީ ފޮނުވާފަ އެވެ. ނަމަވެސް އެ މިނިސްޓްރީން އެ ފަރާތްތަކަށް އެ ސްކީމުގެ ދަށުން އެއްވެސް ގޯއްޗެއް ނުލިބޭކަން އަންގާފައިވެ އެވެ.
މި މައްސަލާގައި ފަޒުލް ހިމެނިވަޑައިގަންނަވާހެން އެޗްޑީސީ ބޯޑުގެ ހުރިހާ މެންބަރުން ސަސްޕެންޑުކޮށްފައިވެ އެވެ. ސަސްޕެންޑުނުކުރަނީ ކުންފުނީގެ ޗެއާމަންކަމާ މި މަހުގެ ހަވަނަ ދުވަހު ހަވާލުވެވަޑައިގެންނެވި އަހްމަދު ނާސިފު ދީދީ އެކަންޏެވެ.
ކޮމެންޓް
Republic of Maldives