ހައިވޭގައި ސައިކަލެއް ކަހާލައިގެން ވެއްޓި ދެ އަންހެނަކަށް އަނިޔާ، ބަހަކާ ކާރެއް ޖެހި އެކްސިޑެންޓެއް

ސިނަމާލެ ބްރިޖާއި ގުޅިފައިވާ ހައިވޭ ގައި ދެ އެކްސިޑެންޓެއް މިރޭ ހިނގައިފި އެވެ.

އެއް އެކްސިޑެންޓް ހިނގީ ސައިކަލެއް ކަހާލައިގެން ވެއްޓި އެވެ. އެ އެކްސިޑެންޓް ގައި ދެ އަންހެނަކަށް އަނިޔާވި އެވެ.

އެ މީހުންނަށް މިހާރު ދަނީ ހޮސްޕިޓަލްގައި ފަރުވާ ދެމުންނެވެ.

އަނެއް އެކްސިޑެންޓް ހިނގީ ބަހަކާއި ކާރެއް ޖެހި އެވެ. ފުލުހުން ބުނީ އެކްސިޑެންޓާއި ގުޅިގެން ސީން ގައި ހަރަކާތްތެރި ވަމުންދާ ކަަމަށެވެ.

ދެ އެކްސިޑެންޓާއި ގުޅިގެން ހައިވޭގައި ވެހިކަލްތައް ތޮއްޖެހި ދަތުރުފަތުރަށް ބުރޫއެރި އެވެ. ފުލުހުން މިހާރު ވަނީ ދަތުރު ކުރެވޭނެ އިންތިޒާމުތައް ފަހިކޮށްފަ އެވެ.