ޕީޕީއެމް އުވާލުމުގެ މަސައްކަތް އިލެކްޝަނުން ފަށައިފި
"ޕާޓީއާ ގުޅިގެން ނިންމަންޖެހޭ އެއްވެސް ކަމެއްވާނަމަ، އުވާލުމުގެ މަރުހަލާ ނިމުމުގެ ކުރިން އެ ޕާޓީއާ ގުޅިގެން ކުރިއަށް ގެންދެވުން އެދެމެވެ،" އިލެކްޝަންގެ އިއުލާނު ގައިވެ އެވެ.
ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް) އުވާލުމުގެ މަސައްކަތް ފަށައިިފި ކަމަށް އިލެކްޝަންސް ކޮމިޝަނުން ބުނެފި އެވެ.
ޕީޕީއެމް އުވައިލަން ޖެހޭ ކަމަށް ޕާޓީގެ ތިން ނާއިބު ރައީސުންނާއި ސެކްރެޓަރީ ޖެނެރަލްގެ އިއްތިފާގުން ނިންމުމުން ސެނެޓުން އެ ކަން ފާސްކުރީ މި މަހުގެ ދެވަނަ ދުވަހު އެވެ.
އިލެކްޝަންސް ކޮމިޝަނުން ބުނީ ޕްރޮގްރެސިވް ޕާޓީ އޮފް މޯލްޑިވްސްގެ އަސާސީ ގަވާއިދުގެ 61 ވަނަ މާއްދާގެ (ނ) ގައިވާ ގޮތުގެމަތިން ޕާޓީ އުވާލުމަށް އެ ޕާޓީގެ ސެނެޓުން ނިންމާފައިވާތީ ސިޔާސީ ޕާޓީގެ ގާނޫނުގެ 30 ވަނަ މާއްދާގައިވާ ގޮތުގެމަތީން ޕީޕީއެމް އުވާލުމުގެ މަސައްކަތްކޮމިޝަނުން ދަނީ ކުރަމުން ކަމަަށެވެ.
އެހެންކަމުން، ޕާޓީގެ ނަމުގައި އެއްވެސް ސިޔާސީ ހަރަކާތެއް ހިންގުމާއި ޕާޓީ އުވާލުމަށްޓަކައި ފުރިހަމަ ކުރަންޖެހޭ އިޖުރާއަތުތައް ފުރިހަމަކުރުމަށް ކުރެވޭ މުއާމަލާތްތައް ފިޔަވައި އިތުރު އެއްވެސް މުއާމަލާތެއް ކުރުމުގެ އިހްތިޔާރު އެ ޕާޓީއަށް ލިބިގެން ނުވާކަމުގަ އެވެ.
"އަދި ޕާޓީއާ ގުޅިގެން ނިންމަންޖެހޭ އެއްވެސް ކަމެއްވާނަމަ، އުވާލުމުގެ މަރުހަލާ ނިމުމުގެ ކުރިން އެ ޕާޓީއާ ގުޅިގެން ކުރިއަށް ގެންދެވުން އެދެމެވެ،"
000 ވުރެ ގިނަ މެންބަރުން ތިބި ޕީޕީއެމް އުވާލަން ނިންމި ސަބަބު ސާފުކޮށްދީ އެ ޕާޓީން ބުނީ ސަރުކާރު ހިންގަނީ ޕީއެންސީއާ ޕީޕީއެމް ކޯލިޝަނުން ކަމަށްވެފައި ޕީޕީއެމްގެ ވަރަށް ގިނަ މެންބަރުން ޕީއެންސީއާ ގުޅެމުންދާތީ ސިޔާސީ ހަރަކާތްތައް ވަކީން ހިންގުމުގެ ބޭނުމެެއް އޮތް ކަމަށް ނުފެންނާތީ ކަމަށެވެ.
ކޮމެންޓް
Republic of Maldives