ޕީއެސްއެމްގެ އެމްޑީ ސައީދު އިސްތިއުފާ ދެއްވައިފި

އިސްތިއުފާއާ ގުޅޭގޮތުން ސައީދު ވިދާޅުވީ އެއީ އަމިއްލަ ސަބަބުތަކެއް ހުރުމުން ނިންމެވި ނިންމެވުމެއް ކަމަށެވެ.

ޕަބްލިކް ސާވިސް މީޑިއާ (ޕީއެސްއެމް) ގެ މެނޭޖިން ޑިރެކްޓަރު، މުހައްމަދު ސައީދު އިސްތިއުފާ ދެއްވައިފި އެވެ.

އޮގަސްޓް 25 ވަނަ ދުވަހު އެ މަގާމަށް އަައްޔަނު ކުރެއްވި ސައީދު އިސްތިއުފާ ދެއްވާ އެކަން ދެންމެ މުވައްޒިފުންނަށް ވަނީ އަންގާފަ އެވެ.

ސައީދު އެ މަގާމަށް އައްޔަނު ކުރެއްވީ ކުރީން އެ މަގާމުގައި ހުންނެވި ޒީނާ ޒާހިރު، ކުއްލި ގޮތަކަށް އިސްތިއުފާ ދެއްވުމާއި ގުޅިގެންނެވެ.

އިސްތިއުފާއާ ގުޅޭގޮތުން ސައީދު ވިދާޅުވީ އެއީ އަމިއްލަ ސަބަބުތަކެއް ހުރުމުން ނިންމެވި ނިންމެވުމެއް ކަމަށެވެ. ނަމަވެސް ތަފްސީލެއް ނުދެއްވަ އެވެ.

ޒީނާ އިސްތިއުފާ ދެއްވި ސީދާ ސަބަބެއް ވެސް ކުރީން ވިދާޅެއް ނުވެ އެވެ.

ސަައީދު އިސްތިއުފާ މި ދެއްވީ ރައީސުލްޖުމްހޫރިއްޔާ ޑރ. މުހައްމަދު މުއިއްޒު ބައިވެރިވެވަޑައިގެންނެވި ޖަލްސާއެއްގެ ލައިވް ޕީއެސްއެމްއިން ގެނެސްދިންއިރު އެ ޖަލްސާ ފެށުމުގެ ގޮތުން ކިޔެވި އާޔަތްތަކުގެ ތެރެއިން އާޔަތެއްގެ ބައެއް އުނިކޮށް ބްރޯޑްކާސްޓް ކުރި މައްސަލައަކާ ޕީއެސްއެމް ނިއުސް އިން ގެނެސްދިން އިނގިރޭސި ހަބަރުގެ ތެރެއިން ބޭއަދަބީ މަންޒަރެއް ދެއްކިފައިވާތީ އެ ކުންފުނިން މައާފަށް އެދިފައި ވަނިކޮށެވެ.

ޕީއެސްއެމް ހިންގާ ގޮތާމެދު ގިނަ ބައެއްގެ ފާޑުކިޔުން އޮވެ އެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.