ވަޒީފާގެ ބާޒާރާ ބެހޭ މައުލޫމާތު އެއްކުރުމުގެ ސާވޭ ފަށައިފި

ހޮވާލެވޭ ގޭބިސީތަކުގައި ދިރިއުޅޭ އެންމެނާ ފަސޭހައިން ބައްދަލުކުރެވޭނެ އިންތިޒާމު ހަމަޖައްސައިދިނުމަށް ބިއުރޯއިން އެދޭ

ވީއައިއޭގެ މުވައްޒަފުން ބެގޭޖު ވަސީލަތް ގާއިމް ކުރަނީ -- އެމްއޭސީއެލް

މޯލްޑިވްސް ބިއުރޯ އޮފް ސްޓެޓިސްޓިކްސްއިން ރާއްޖޭގެ ވަޒީފާގެ ބާޒާރުގެ ހާލަތު ދެނެގަތުމަށް ލޭބަރ ފޯސް ސަރވޭއެއް ހަދަން ފަށައިފިއެވެ. އެބިއުރޯއިން އާންމުކޮށްފައިވާ ސަރކިއުލަރއެއްގައި ބުނެފައިވަނީ 28 އޮކްޓޫބަރ 2024 އިން ފެށިގެން ހޮވާލެވޭ ގޭބިސީތަކަށް ޒިޔާރަތްކޮށް، މައުލޫމާތު އެއްކުރެވިގެންދާނެ ކަމަށެވެ. އަދި މިސަރވޭގެ ނަތީޖާގެ އަލީގައި މަސައްކަތް ލިބިފައިވާ އާބާދީގެ ނިސްބަތް އަދި މަސައްކަތް ލިބިފައިނުވާ އާބާދީގެ ނިސްބަތްފަދަ ވަޒީފާގެ ބާޒާރާގުޅޭ މުހިންމު އިންޑިކޭޓަރތައް އެކުލަވާލެވިގެންދާނެކަމަށްވެސް މޯލްޑިވްސް ބިއުރޯ އޮފް ސްޓެޓިސްޓިކްސްއިން ބުނެފައިވެއެވެ. 

ސަރވޭގައި މައުލޫމާތު ނެގިގެންދާނެ މައިގަނޑު ބައިތައް ކަމަށް އެފަރާތުން އާންމުކޮށްފައިވާ ބައިތަކަކީ:
• މީހުންގެ އާންމު މައުލޫމާތު
• ހިޖުރަކުރުން
• ތައުލީމު
• ވަޒީފާއާއި އާމްދަނީ ހޯދުމުގެ މަސައްކަތްކުރާ އާބާދީގެ ތަފްސީލު
• އާމްދަނީ ލިބޭގޮތަށް އަދި ހިލޭސާބަހަށް ކުރާ މަސައްކަތާއި ގޭތެރޭގެ މަސައްކަތުގައި ވަގުތުހޭދަކުރާ މިންވަރު
• ހިލޭސާބަހަށްކުރާ މަސައްކަތުގެ ތަފްސީލު

އެބިއުރޯއިން އިތުރަށް ފާހަގަކޮށްފައިވަނީ މިއީ ގައުމީ މުހިންމު މަސައްކަތެއް ކަމަށާއި، އެހެންކަމުން މިކަމުގައި ފުރިހަމަ އެއްބާރުލުން ބޭނުންވާކަމަށެވެ. އަދި ހޮވާލެވޭ ގޭބިސީތަކުގައި ދިރިއުޅޭ އެންމެނާ ފަސޭހައިން ބައްދަލުކުރެވޭނެ އިންތިޒާމު ހަމަޖައްސައިދިނުމަށް ބިއުރޯއިން އެދެއެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.