ފަތުރުވެރިކަމުގެ ޕީކް ސީޒަން | %2 ދަށް، ދުވާލަކު އެވެރެޖުކޮށް އައި މިންވަރުވެސް މަދު

ޑިސެންބަރުގެ ފުރަތަަމަ 11 ދުވަހު ރާއްޖެއަށް އައި ފަތުރުވެރިންގެ އަދަދު %2 ދަށްވެފައިވާއިރު އެވެރެޖުކޮށް ދުވާލަކު އައި ފަތުރުވެރިންގެ އަދަދުވެސް ފާއިތުވި ނޮވެންބަރު މަހާ އަޅާބަލާއިރު ދަށްވެފައިވެ އެވެ.

ޓޫރިޒަމް ފަތުރުވެރިކަން ޓޫރިސްޓުން ފަތުރުވެރިން ކްރޫޒަ ލައިނާ ފޮޓޯ: ޔާމިން މުޙައްމަދު / މިރާ

އާންމުކޮށް ރާއްޖޭގެ ފަތުރުވެރިކަން އެންމެ ބޮޑަށް ރަނގަޅުވާ ޑިސެންބަަރު، ޖެނުއަރީ ފެބްރުއަރީގެ ފުރަތަމަ 11 ދުވަހު ޓޫރިސްޓުން އައި މިންވަރު ދެ އިންސައްތަ ދަށަށް ގޮސްފައިވާކަން ޓޫރިޒަމް މިނިސްޓްރީގެ ތަފާސްހިސާބުތަކުން ދައްކައިފި އެވެ. 

ޓޫރިޒަމް މިނިސްޓްރީން އާންމުކޮށްފައިވާ ތަފާސްހިސާބުތަކަށް ބަލާއިރު ޑިސެންބަރު މަހުގެ ފުރަތަމަ 11 ދުވަހު ރާއްޖެއަށް އައީ 62،249 ފަތުރުވެރިންނެވެ. ފާއިތުވި އަހަރުގެ އެ މުއްދަތުގައި 63،423 ޓޫރިސްޓުން ރާއްޖެއަށް އައިސްފައިވެ އެވެ. އެއީ ދެ އިންސައްތަައިގެ ދަށްވުމެކެވެ. 

އޭގެ އިތުރަށް އެވެރެޖުކޮށް އަންނަ ޓޫރިސްޓުންގެ އަދަދުވެސް ފާއިތުވި ނޮވެންބަރު މަހާ އަޅާބަލާއިރު ދަށްވެފައިވާކަން ތަފާސްހިސާބުތަކުން ދައްކަ އެވެ. އެގޮތުން ފާއިތުވި ނޮވެންބަރު މަހު އެވެރެޖުކޮށް ދުވާލަކު 5،766 ފަތުރުވެރިން އައިސްފައިވާއިރު ޑިސެންބަރު 11 ވަނަ ދުވަހާ ހަމައަށް އެވެރެޖުކޮށް ދުވާލަަކު އައިސްފައިވަނީ 5،659 ފަތުރުވެރިންނެވެ. 

ޓޫރިސްޓުން އަންނަ މިންވަރު ޑިސެންބަރު މަހު ނިމުނު އަހަރަށްވުރެ ދަށްވިއިރު މި މަހު ސަރުކާރުންވަނީ ފަތުރުވެރިކަމުގެ ބައެއް ޓެކްސްތައް ބޮޑުކޮށްފަ އެވެ. އެގޮތުން ޑިސެންބަރު އެކަކުން ފެށިގެން އެއާޕޯޓުތަކުން ފުރާ ފަސިންޖަރުން އަތުން ނަގާ ޓެކްސްތައް ބޮޑުކުރަން ސަރުކާރުން ނިންމާފައިވެ އެވެ. 

އެގޮތުން އިކޮނޮމީ ކްލާހުން ދަތުރުކުރާ ބިދޭސީންގެ އަތުން 50 ޑޮލަރު އަދި ބިސްނަސް ކްލާސްއިން ދަތުރުކުރާ އެންމެންގެ އަތުން 120 ޑޮލަރާއި ފަސްޓު ކްލާސްއިން ދަތުރުކުރާ ފަސިންޖަރުންގެ އަތުން 240 ޑޮލަރު އަދި ޕްރައިވެޓް ޖެޓުތަކުން ފުރާ ފަސިންޖަރުންގެ އަތުން 480 ޑޮލަރު ނަގަންވަނީ ފަށާފަ އެވެ. 

ޓެކުސްތައް ބޮޑުކުރުމުގެ ކުރިން މި އަހަރުގެ މޭ މަސް ފިޔަވައި އެހެން ހުރިހާ މަހެއްގައި އައި ފަތުރުވެރިން ފާއިތުވި އަހަރާ އަޅާބަލާއިރު އިތުރުވުމުގެ ސަބަބުން ޖުމްލަކޮށް މި އަހަރު ރާއްޖެއަށް އައި ފަތުރުވެރިންގެ އަދަދު ނިމުނު އަހަރާ އަޅާބަލާއިރި 8.7 އިންސައްތަ އިތުރުވެފައިވެ އެވެ. 

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.