އޭވިއޭޝަނުން ދިވެހި އިގުތިސާދަށް ސީދާ 222 މިލިއަން، ނުސީދާކޮށް 4.7 ބިލިއަން ޑޮލަރު

ވައިގެ ދަތުރުފަތުރަށް ވަރަށް ބޮޑަށް ބަރޯސާވެފައި އޮތް ޓޫރިޒަމުން ގައުމީ އުފެއްދުންތެރިކަމަށް 4.2 ބިލިއަން ޑޮލަރު ހިއްސާކުރެ އެވެ.

އެއާ އަރަބިއްޔާ ރާއްޖެއަށް ދަތުރު ފެށުން : އެއާ އަރަބިޔާ އިން ހަފުތާއަކު އެއް ފްލައިޓް ރާއްޖެއަށް ދަތުރު ކުރެ އެވެ.

އޭވިއޭޝަން ދާއިރާއިން ދިވެހި އިގުތިސާދަށް ސީދާ ގޮތުން 222.2 މިލިއަން ޑޮލަރު އަދި ނުސީދާކޮށް 4.7 ބިލިއަން ޑޮލަރު ވަންނަކަމަށް އިިންޓަނޭޝަނަލް އެއާ ޓްރާންސްޕޯޓު އެސޯސިއޭޝަން (އައާޓާ)އިން ބުނެފި އެވެ. 

ވައިގެ ދަތުރުފަތުރުގެ ދާއިރާގައި ހިމެނޭ އެއާލައިންތަކާއި، އެއާޕޯޓު އޮޕަރޭޓަރުންނާއި އޮންސައިޓު ވިޔަފާރިތަކާއި، އޭވިއޭޝަންގެ އެހެނިހެން ވިޔަފާރިތަކުން ރާއްޖޭގައި 4،900 މީހަކަށް ވަޒީފާ ދީފައިވާކަމަށް އެ ޖަމްއިއްޔާއިން ބުނެ އެވެ. އަދި ޖުމްލަ 222.2 މިލިއަން ޑޮލަރު އެ ސިނާއަތުން ދިވެހި އިގުތިސާދުގައި އުފައްދާފައިވާކަމަށްވެސް ބުނެފައިވެ އެވެ. އެއީ ގައުމީ އުފެއްދުންތެރިކަމުގެ ގާތްގަނޑަކަށް 3.4 އިންސައްތަ އެވެ. 

ސީދާ އޭވިއޭޝަނުން އިގުތިސާދަށް ކުރާ ހިއްސާ

  •  އެއާލައިންތައް: 147.4 މިލިއަން ޑޮލަރު، 2،700 ވަޒީފާ
  •  އެއާޕޯޓާއި އޭވިއޭޝަންގެ އެހެނިހެން ވިޔަފާރިތައް: 54.8 މިލިއަން ޑޮލަރު، 2،200 ވަޒީފާ

އަދި ފަތުރުވެރިކަމުގެ ސިނާއަތާއި އެ ދާއިރާގެ މުވައްޒަފުން ކުރާ ހަރަދުތަކުގެ ތެރެއިން އިގުތިސާދަށް އިތުރު ފައިދާތއް ލިބޭކަމަށާއި، އެގޮތުން ނުސީދާކޮށް ވައިގެ ދަތުރުފަތުރުގެ ދާއިރާއިން ރާއްޖޭގެ އިގުތިސާދަށް 4.7 ބިލިއަން ޑޮލަރު އަދި 212،000 ވަޒީފާ ކޮންޓްރިބިއުޓު ކުރާކަމަށް އައާޓާއިން ބުނެފައިވެ އެވެ. 

އެގޮތުން ވައިގެ ދަތުރުފަތުރަށް ވަރަށް ބޮޑަށް ބަރޯސާވެފައި އޮތް ޓޫރިޒަމް ސިނާއަތުން ގައުމީ އުފެއްދުންތެރިކަމަށް 4.2 ބިލިއަން ޑޮލަރު ހިއްސާކުރާއިރު އެ ސިނާއަތުގައި 199،000 މީހުން ވަޒީފާ އަދާކުރަމުންދާކަން އެ ޖަމްއިއްޔާގެ ރިޕޯޓުގައި ފާހަގަކުރި އެވެ. 

ވައިގެ މަގުން ރާއްޖެއަށް އަންނަ އިންޓަނޭޝަނަލް ޓޫރިސްޓުން ރާއްޖޭގެ ވިޔަފާރިތަކުން ހިދުމަތާއި މުދާ ގަނެގެން ގައުމީ އުފެއްދުންތެރިކަމަށް 4.4 ބިލިއަން ޑޮލަރު ހިއްސާކުރާކަމަށް އައާޓާއިން ބުނެފައިވެ އެވެ. 

އޭވިއޭޝަން ދާއިރާގެ ދެން އެންމެ ބޮޑު ހިއްސާއެއްކަމަށް އައާޓާގެ ރިޕޯޓުގައި ފާހަގަކޮށްފައިވަނީ ރާއްޖެއަށް ބޭނުންވާ މުދާ އެތެރެކުރުމާއި ރާއްޖެއިން މުދާ ބޭރުކުރުމެވެ. ރާއްޖޭގެ އެއާޕޯޓުތަކުން 2023 ވަނަ އަހަރު 41،800 ޓަނުގެ މުދާ ހޭންޑްލްކޮށްފައިވާކަމަށާއި، ރާއްޖެއަކީ ދުނިޔޭގައި 78 ވަނައަށް އެންމެ ބޮޑު އެއާ ކާގޯ މާކެޓުކަމަށް އައާޓާއިން ބުނެފައިވެ އެވެ. 

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.