އެވެރެޖުކޮށް ދުވާލަކު 5،491 ފަތުރުވެރިން، އަހަރު ނިމޭއިރު ދެ މިލިއަނުން މަތިވާނެ

ޑިސެންބަރު މަހުގެ ފުރަތަަމަ ނުވަ ދުވަހު އެވެރެޖުކޮށް ރާއްޖެއަށް ފަތުރުވެރިން އައި އަދަދަށް ކުރިއަށް އޮތް ދުވަސްތަކުގައި ފަތުރުވެރިން އަންނަނަމަ މި އަހަރު ނިމޭއިރު ރާއްޖެއަށް ދެ މިލިއަނަށްވުރެ ގިނަ ފަތުރުވެރިން އަންނާނެ ކަމުގައި ބެލެވެ އެވެ.

ރާއްޖޭގެ ރަށެއްގައި ދެ ޓޫރިސްޓުން

ހިނގަމުންދާ ޑިސެންބަރު މަހުގެ ފުރަތަ ނުވަ ދުވަހު އެވެރެޖުކޮށް ދުވާލަކު 5،491 ފަތުރުވެރިން އައިސްފައިވާއިރު މި އަހަރުގެ ނިޔަލަށް ދެ މިލިއަނަށްވުރެ ގިނަ ފަތުރުވެރިން އަންނާނެކަމަށް ބެލެވެ އެވެ. 

ސަރުކާރުން މި އަހަރަށް ކަނޑައަޅާފައިވާ އަމާޒަަކީ އަހަރު ނިމުމުގެ ކުރިން ދެ މިލިއަން ފަތުރުވެރިން ރާއްޖެއަށް ގެނައުމެވެ. މި ޑިސެންބަރު މަހުގެ ނުވަވަނަ ދުވަހުގެ ނިޔަލަށް ރާއްޖެއަަށް އައިސްފައިވަނީ 1،888،845 (އެއް މިލިއަން އަށްލައްކަ އަށްޑިހަ އަށްހާސް އަށްސަތޭކަ ސާޅީސްފަސް) ފަތުރުވެރިންނެވެ. 

ފާހަގަކޮށްލެވޭ ގޮތުގައި މި އަދަދަކީ ފާއިތުވި އަހަރުގެ ނިޔަލަށް ރާއްޖެއަށް އައި ފަތުރުވެރިންގެ އަދަދުކަމށް 1،878،543 އަށްވުރެ އިތުރު އަދަދެކެވެ. 

ޑިސެންބަރު މަހުގެ ފުރަތަމަ ނުވަ ދުވަހު ރާއްޖެއަށް އައި ފަތުރުވެރިންގެ އަދަދު ނިމުނު އަހަަރާ އަޅާބަލާއިރު 1.2 އިންސައްތަ މަދެވެ. ފާއިތުވި އަހަރުގެ އެ މުއްދަތުގައި 51،838 ފަތުރުވެރިން އައިސްފައިވާއިރު މި އަހަރު އައީ 51،210 ފަތުރުވެރިންނެވެ. 

ޑިސެންބަރު ނުވަނަ ވަނަ ދުވަހާ ހަމައަށް އައި ފަަތުރުވެރިންގެ އަދަދަށް ބަލާއިރު ދެ މިލިއަން ފަތުރުވެރިން ހަމަަވުމަށް އަހަރުގެ ބާކީ އޮތް ދުވަސްތަކުގައި ރާއްޖެއަށް އަންނަންޖެހޭނީ 111،155 (އެއްލައްކަ އެގާރަހާސް އެއްސަތޭކަ ފަންސާސް ފަސް) ފަތުރުވެރިންނެވެ. 

ޑިސެންބަރު އެކަކުން ނުވައެއްގެ ނިޔަލަށް އެވެރެޖުކޮށް ދުވާލެއްގެ މައްޗަށް އައި ފަތުރުވެރިންގެ އަދަދަށް ބަލާއިރު މި މަހުގެ ދިހަވަނަ ދުވަހުން ފެށިގެން 31 ވަނަ ދުވަހުގެ ނިޔަލަށް 133،193 (އެއްލައްކަ ތެއްތިރީސްހާސް އެއްސަތޭކަ ނުވަދިހަ ތިން) ފަތުރުވެރިން ރާއްޖެއަށް އަންނާނެކަމަށް އަންދާޒާކުރެވެ އެވެ. 

ކޮންމެ ދުވަހަކު އެވެރެޖުކޮށް އަންނަ ފަތުރުވެރިންގެ އަދަދު ޑިސެންބަރު ނުވައަކާ ހަމައަށް ހުރި މިންވަރުގައި އަހަރު ނިމުމާ ހަމައަށް ހިފަހެއްޓިއްޖެނަމަ މި އަހަރުގެ ނިޔަލަށް، 2،022،038 (ދެމިލިއަން ބާވީސްހާސް ތިރީސްއަށް) ފަތުރުވެރިން ރާއްޖެއަށް އަންނާނެކަމަށް ބެލެވެ އެވެ. 

އަންނަ އަހަރަށް ސަރުކާރުން ކަނޑައަޅާފައިވާ ޓޫރިޒަމްގެ އަމާޒަކީ އަހަރުގެ ނިޔަލަށް 2.5 މިލިއަން ފަތުރުވެރިން ގެނައުމެވެ. އެކަމަށްޓަކައި ލޯ ސީޒަަނުގައި އަންނަ ފަތުރުވެރިން އިތުރުކުރުމަށް މާކެޓިންގެ ހާއްސަ މަސައްކަތްތަކެއް ކުރަން ސަރުކާރުން ނިންމާފައިވާކަމަށް ޓޫރިޒަމް މިނިސްޓަރު އިބްރާހީމް ފައިސަލު ވިދާޅުވި އެވެ. 

ޖުމްލަކޮށް މުޅި މި އަހަރު ރާއްޖެއަށް އައި ފަތުރުވެރިންގެ އަދަދު ފާއިތުވި އަހަރާ އަޅާބަލާއިރު 8.8 އިންސައްތަ އިތުރުވެފައިވާއިރު މި އަހަރު އެވެރެޖުކޮށް ފަތުރުވެރިން ރާއްޖޭގައ ހޭދަކޮށްފައިވަނީ 7.7 ދުވަހެވެ. 

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.