އެމްޑީޕީ މެންބަރުންނަކީ އިސްލާމުން ނޫން ކަމަށް ބުނުން ކުށްވެރިކޮށްފި

މަޖިލީހުގެ ރައީސް ވެސް ކުރެއްވި ޝާހިދު ވަނީ ‏ރައްޔިތުންގެ މަޖިލީހުގެ އިމްތިޔާޒާއި ސުލޫކު ކޮމިޓީން މި މައްސަލަ އަވަހަށް ބައްލަވާ އެކަށިގެންވާ ފިޔަވަޅު އެޅުމަށް ގޮވައިލައްވާފަ އެވެ.

އެމްޑީޕީގެ ރައީސް އަބްދުﷲ ޝާހިދު --

ދިވެހިރައްޔިތުންގެ ޑިމޮކްރެޓިކް ޕާޓީގެ މެންބަރުންނަކީ އިސްލާމްދީން ގަބޫލުކުރާ ބައެއްނޫން ކަމަށް ވިދާޅުވެ ރައްޔިތުންގެ މަޖިލީހުގައި މެންބަރަކު ދެއްކެވި ވާހަކަތައް އެމްޑީޕީގެ ރައީސް އަބްދުﷲ ޝާހިދު ކުށްވެރި ކުރައްވައިފި އެވެ.

އެމްޑީޕީގެ މެންބަރުންނަށް ނިސްބަތްކޮށް މިފަދަ ވާހަކައެެއް ދެއްކެވީ ވިލިމާލެ ދާއިރާގެ މެންބަރު މުހައްމަދު އިސްމާއީލް އެވެ.

އޭނާ ވިދާޅުވީ އެމްޑީޕީ މެންބަރުންނަކީ ކީރިތި ގުރުއާނާއި އިސްލާމް ދީން ވެސް ގަބޫލުކުރާ ބައެއް ނޫން ކަމަަަށެވެ.

އެ ވާހަކަތައް ކުށްވެރި ކުރައްވާ ޝާހިދު ވިދާޅުވީ ގާނޫނުއަސާސީގެ ނުވަ ވަނަ މާއްދާގައި ދިވެހި ރައްޔިތް ކަނޑައަޅައި ބަޔާންކޮށް، މުސްލިމަކަށް މެނުވީ ދިވެހިރައްޔިތަކަށް ނުވެވޭނެކަން ކަނޑައަޅައިފައިވާތީ ކޮންމެ ދިވެހިރައްޔިތަކީވެސް މުސްލިމެއް ކަަމަށެވެ.

‏ދިވެހިރާއްޖޭގެ ގާނޫނުލްއުގޫބާތުގެ 124 ވަނަ މާއްދާ ބުނާގޮތުން، މުސްލިމަކު ކަނޑައެޅިގެން ކުފުރުގެ އަމަލެއް ނުކުރާހާ ހިނދަކު އެމީހަކީ މުރުތައްދުވެފައިވާ މީހެއްގެ ގޮތުގައި ސިފަކުރުމަކީ ޖިނާއީ ކުށެއް ކަމަށެވެ.

‏ދިވެހިރައްޔިތުންގެ ދީނީ އެއްބައިވަންތަކަން ހިމާޔަތް ކުރުމުގެ ގ-ނޫނުގެ 35 ވަނަ މާއްދާގައި ވާގޮތުން، ދިވެހި ރައްޔިތުންގެ ދީނީ އެއްބައިވަންތަކަން ނަގައިލުމަށް މަސައްކަތް ކުރުމާއި އެ ބާވަތުގެ ވާހަކަދެއްކުމަކީ މަނާ ކަމެއް ކަން ވެެސް ޝާހިދު ފާހަގަ ކުރެއްވި އެވެ.

"‏ދިވެހިރައްޔިތުންގެ ތެރެއިން ގިނަ އަދަދެއްގެ ބަޔަކު ނިސްބަތްވާ ޕާޓީއެއްގެ މެންބަރުންނަކީ މުސްލިމުން ނޫންކަމަށް ބުނުމަކީ ރައްޔިތުންގެ ތާއީދު ގެއްލި ސިޔާސީގޮތުން ބަލިވާން ފެށުމުން، އެކަން ފޫބެއްދުމަށް ޓަކައި ރައްޔިތުން ބައިބައި ކުރުމަށް ދީނީގޮތުން ފިތުނަ އުފެއްދުމަށް ފެށި ކަމެއްކަން ފާހަގަކުރެވެ،" ޝާހިދު ވިދާޅުވި އެވެ.

މަޖިލީހުގެ ރައީސް ވެސް ކުރެއްވި ޝާހިދު ވަނީ ‏ރައްޔިތުންގެ މަޖިލީހުގެ އިމްތިޔާޒާއި ސުލޫކު ކޮމިޓީން މި މައްސަލަ އަވަހަށް ބައްލަވާ އެކަށިގެންވާ ފިޔަވަޅު އެޅުމަށް ގޮވައިލައްވާފަ އެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.