އަލިފާނުގެ ހާދިސާ: ތިން ގެއަކުން 29 މީހުން ވަގުތީ ހިޔާތަކަށް

ވަގުތީ ހިޔާތަކަށް މީހުން ގެންގޮސްފައި ވަނީ މ.ލޯކަށިގެ، މ.ކުދިމާވިލާ، މ.ލޫބިޔާގައި ދިރިއުޅުނު ބައެއް ފަރާތްތަކެވެ.

އެންޑީއެމްއޭ އަދި ރެޑްކްރަސެންޓްގެ އޮފިޝަލުން އަލިފާނުގައި ހާލުގައި ޖެހުނު ބަޔަކަށް އެހީވަނީ --

ސަރުކާރުގެ މުހިންމު ތިން މިނިސްޓްރީއެއް ހިންގާ މ. ގްރީން ބިލްޑިންގުގައި މިއަދު ހިނގި އަލިފާނުގެ ހާދިސާގެ އަސަރުކޮށްފައިވާ ހަތް ގޭބިސީއެއްގައި ދިރިއުޅުނު 29 މީހަކު ވަގުތީ ހިޔާތަކަށް ބަދަލުކޮށްފައިވާ ކަމަށް ނޭޝަނަލް ޑިޒާސްޓާ މެނޭޖްމެންޓް (އެންޑީއެމްއޭ) އިން ބުނެފި އެވެ.

އަލިފާން ރޯވެފައި ވަނީ ހައުސިން މިނިސްޓްރީއާއި އިންފްރާސްޓްރަކްޗާ މިނިސްޓްރީ އަދި އެންވަޔަރަމެންޓް މިނިސްޓްރީ ހިންގާ އިމާރާތުގަ އެވެ. އެ ސަރަހައްދުގައި ހުރި ގެތައް ހާދިސާ ހިނގުމާއެކު ވަނީ ހުސްކޮށްފަ އެވެ.

އެންޑީއެމްއޭ އިން ބުނީ ވަގުތީ ހިޔާތަކަށް ބަދަލުކޮށްފައި ވަނީ އެ ސަރަހައްދުގައި ހުރި ތިން އިމާރާތެއްގެ ހަތް ގޭބިސީއެއްގައި ދިރިއުޅުނު މީހުން ކަމަށެވެ. އެއީ 15 ފިރިހެނުންނާއި 14 އަންހެނުންނެވެ. އޭގެ ތެރޭގައި ސިއްހީ ހާއްސަ އެހީތެރިކަން ބޭނުންވާ މީހެއް ވެސް ހިމެނޭ ކަމަށް ބުންޏެވެ.

ވަގުތީ ހިޔާތަކަށް މީހުން ގެންގޮސްފައި ވަނީ މ.ލޯކަށިގެ، މ.ކުދިމާވިލާ، މ.ލޫބިޔާގައި ދިރިއުޅުނު ބައެއް ފަރާތްތަކެވެ.

އެ އިދާރާއިން އިތުރަށް ބުނެފައި ވަނީ އަލިފާނުގެ ހާދިސާއާ ގުޅިގެން ފެނާއި ކަރަންޓު ކެނޑިފައިވާ އިމާރާތްތަކަށް ސްޓެލްކޯ އަދި އެމްޑަބްލިއުއެސްސީ މެދުވެރިކޮށް އެ ހިދުމަތްތައް އަލުން ގުޅައިދިނުމަށް ވެސް މަސައްކަތް ކުރަމުންދާ ކަމަށެވެ.

މިއަދު ހެނދުނު ރޯވި އަލިފާންގަނޑު އެއްކޮށް ކޮންޓްރޯލް ކުރެވުނުއިރު ގާތްގަނޑަކަށް ފަސް ގަޑިއިރު ހޭދަވެފައިވެ އެވެ. މިނިސްޓްރީތައް ހިންގި އިމާރާތްތައް ވަނީ ބޭނުން ނުކުރެވޭ ވަރަށް އަނދާ ހުލިވެފަ އެވެ. މި ތަންތަނަށް ލިބުނު ގެއްލުން އެނގޭނީ އެސެސްމެންޓްތައް ހަދައި ނިމުމުންނެވެ.

އަލިފާންގަނޑު ކޮންޓްރޯލްވިޔަސް، އިމާރާތުގެ ތެރެއިން އަލިފާނުގެ އަސަރު ކެނޑުމަށް ވަގުތު ނަގާނެ ކަމަށް އެމްއެންޑީއެފުން ބުނެފައިވެ އެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.