ބަދަލުދިން މައްސަލައިގައި ސޯލިހާއި ފައްޔާޒުގެ މައްޗަށް ތަހުގީގު ހިންގަން އަންގަން ފާސްކޮށްފި

ކޮމިޓީން އިތުރަށް ބުނެފައިވަނީ 2019 ވަނަ އަހަރާއި 2023 ވަނަ އަހަރާ ދެމެދުގައި ކުރީ ސަރުކާރުން ގާއިމުކޮށްފައިވާ ބަދަލުދިނުމުގެ އެއްބަސްވުންތަކަކީ އޭގެ ޒާތުގައި ބާތިލު އެއްބަސްވުންތަކެއްކަމަށް ގަބޫލުރާ ކަމަށެވެ.

އެމްޑީޕީ ޖަލްސާއެއްގައި ރައީސް ސޯލިހާއި ފައްޔާޒު ބައިވެރިވެވަޑައިގަންނަވަނީ

ފާއިތުވި ސަރުކާރުގައި 2019 ވަނަ އަހަރާއި 2023 ވަނަ އަހަރުގެ ނިޔަލަށް އެކި ގޮތްގޮތުން ގިނަ އަދަދެއްގެ ބަޔަކަށް ބަދަލުގެ ގޮތުގައި އެތައް ބިލިއަން ރުފިޔާއެއްގެ ފައިސާއާއި ހަރު މުދާ ދިނުމަށް ނިންމާފައިވާ މައްސަލާގައި ކުރީގެ ރައީސް އިބްރާހީމް މުހައްމަދު ސޯލިހާއި އެއިރުގެ އިގުތިސާދީ ވަޒީރު އަދި އިދިކޮޅު އެމްޑީޕީގެ ޗެއާޕާސަން ފައްޔާޒު އިސްމާއީލުގެ މައްޗަށް ޖިނާއީ ތަހުގީގެއް ހިންގަން އެންގުމަށް ރައްޔިތުންގެ މަޖިލީހުން މިއަދު ފާސްކޮށްފި އެވެ.

ސޯލިހާއި ފައްޔާޒުގެ އިތުރަށް ރައީސް އޮފީހުގެ ކުރީގެ މިނިސްޓަރު އަލީ ޝިޔާމުގެ މައްޗަށް ޖިނާއީ ތަހުގީގު ހިންގަން ލަފާދިނުމަށް އިއްޔެ މާލިއްޔަތު ކޮމެޓީން ފޮނުވި ރިޕޯޓް މިއަދު މަޖިލީހުން ފާސްކޮށްފައި ވަނީ 55 މެންބަރުންގެ ވޯޓުންނެވެ. އެ ރިޕޯޓާ ދެކޮޅަށް ވޯޓު ދެއްވީ އެމްޑީޕީއަށް ނިސްބަތްވާ 11 މެންބަރުންނެވެ.

މާލިއްޔަތު ކޮމެޓީ ރިޕޯޓުގައި ބުނެފައި ވަނީ ގާނޫނުއަސާސީއާއި ގާނޫނުތަކުން އެ ބޭފުޅުންނާ މަތިކޮށްފައިވާ ޒިންމާއާ ހިލާފަށް ދައުލަަތުގެ މަތީ މަގާމުތަކުގައި ތިއްބަވައިގެން، ދައުލަތުގެ މުދަލާއި ފައިސާ އޭގެ ހައްގުވެރިން ނޫން ބަޔަކަށް ހޯދައިދިނުމަށް އެބޭފުޅުން މަސައްކަތްކުރެއްވިކަމަށް ތުހުމަތުވާ ކަމަށެވެ. 

ކޮމިޓީ ރިޕޯޓުގައި ވަނީ ވަނީ ދައުލަތަށް ފައިދާއެއް ލިބެން އޮތް ކަމެއްގައި ދައުލަތަށް ގެއްލުންވާ ގޮތަށް އަމަލުކުރުމުގެ ތުހުމަތުގައި އެ ތިން ބޭފުޅުންނާމެދު ޖިނާއީ ތަހުގީގެއް ހިންގަން ފެންނަކަމަށް ޕްރޮސެކިއުޓާ ޖެނެރަލަށް ލަފާ އެރުވުމަށާއި، އެ ތަހުގީގުން ޖިނާއީ ދައުވާކުރެވޭ މިންވަރަށް ހެކި ހޯދިއްޖެނަމަ ދައުވާކުރަން ދެންނެވުމަށެވެ.

ކޮމިޓީން އިތުރަށް ބުނެފައިވަނީ 2019 ވަނަ އަހަރާއި 2023 ވަނަ އަހަރާ ދެމެދުގައި ކުރީ ސަރުކާރުން ގާއިމުކޮށްފައިވާ ބަދަލުދިނުމުގެ އެއްބަސްވުންތަކަކީ އޭގެ ޒާތުގައި ބާތިލު އެއްބަސްވުންތަކެއްކަމަށް ގަބޫލުރާ ކަމަށެވެ. އަދި އެ އެއްބަސްވުންތައް ބާތިލުކުރަންޖެހޭ ކަމަށެވެ.

އެގޮތުން ކޮމިޓީން ނިންމާފައިވަނީ އެއިރު ހަދާފައިވާ ބަދަލު ދިނުމުގެ އެއްބަސްވުންތައް ބާތިލުކުރަން ފުރިހަމަކުރަންޖެހޭ ގާނޫނީ ހުރިހާ އިޖުރާއާތުތަކެއް ފުރިހަމަކޮށް އެ އެއްބަސްވުންތަކުން ދީފައި ހުރި ހުރިހާ މުދަލެއް އަނބުރާ ދައުލަތަށް ހޯދަން ކުރަންޖެހޭ އެންމެހައި ކަންކަމެއް އެކަމާ ގުޅުންހުރި އިދާރާތަކާ ގުޅިގެން ކުރެއްވުމަށް ބަންޑާރަނައިބަށް ލަފާ ދިނުމަށެވެ.

ބަންޑާރަނައިބަށް ކޮމިޓީން އަންގާފައިވަނީ ގާނޫނާ ހިލާފަށް ބަދަލުގެ ގޮތުގައި އެއްވެސް ފަރާތަކަށް މުދަލެއް ނުވަތަ ފައިސާއެއް ދީފައި އޮތްކަމަށް ފެނިއްޖެނަމަ އެ މުދަލެއް ނުވަތަ ފައިސާއެއް އަނބުރާ ދައުލަތަށް ހޯދުމަށް ކުރަންޖެހޭ މަސައްކަތްކުރުމަށެވެ.

ރައީސް ސޯލިހުގެ ވެރިކަމުގެ ވަރަށް ކުރީ ކޮޅުގައި އެއްވެސް އުސޫލެއް ނެތި ކޯޓުން ބޭރުން އެއްބަސްވުންތައް ހަދައިގެން ބަދަލު ދޭން ފެށިއެވެ. އެގޮތަށް އުސޫލެއް ނެތި ބަދަލުދިނުމަކީ ކޮރަޕްޝަނަށް މަގުފަހިވާކަމެއްގެ ގޮތުގައި އޭސީސީ އަދި ބޭރުގެ މާލީ އިދާރާތަކުންވެސް ފާހަގަކުރި އެވެ.

އެ ފާޑުކިޔުން ބޮޑުވެފައިވަނިކޮށް ފަހުން ރައީސް އޮފީހުގައި ކޮމިޓީއެއް އެކުލަވައިލާ އުސޫލެއްގެ ދަށުން އެކަން ކުރަން ފެށި އެވެ. ނަމަވެސް އެ އުސޫލުގައިވެސް ބަދަލު ދިނުމުގައި ބަލާނެ ކަންކަން ސާފުކޮށް ބަޔާންކޮށްފައި ނެތުމުން ހުރިހާ ނިންމުމެއް ނިންމަމުން ދިޔައީ ސެޓްލްމެންޓު ކޮމިޓީންނެވެ. 

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.