ބްރޯޑްކޮމްއަށް މުހަންމާ އަދި މުއާޒުގެ ނަން

އެމަގާމަށް ކުރިމަތިލި ބޭފުޅުންގެ ތެރެއިން ރައީސް ޑރ. މުހައްމަދު މުއިއްޒު މަޖިލީހަށް ފޮނުއްވި ލިސްޓުގެ އެންމެ ކުރީގައި އޮތީ މުހަންމާ އަދި މުއާގެ ނަމެވެ.

އިހަވަންދޫ ދާއިރާގެ ކުރީގެ މެންބަރު މުހައްމަދު އަބްދުﷲ (މުހަންމާ) އާއި ރައީސް އޮފީހުގެ ކުރީގެ ތަރުޖަމާނު އިބްރާހިމް މުއާޒު އަލީ --

ބްރޯޑްކާސްޓިން ކޮމިޝަން (ބްރޯޑްކޮމް) އަށް އިހަވަންދޫ ދާއިރާގެ ކުރީގެ މެންބަރު މުހައްމަދު އަބްދުﷲ (މުހަންމާ) އާއި ރައީސް އޮފީހުގެ ކުރީގެ ތަރުޖަމާނު އިބްރާހިމް މުއާޒު އަލީގެ ނަން ރައްޔިތުންގެ މަޖިލީހަށް ފޮނުވައިފި އެވެ.

ބްރޯޑްކޮމްގެ ދެ މެންބަރެއްގެ ދައުރު ހަމަވާތީ އެ މަގާމަށް ކުރިމަތިލާން ހުޅުވާލާފައި ވަނީ މިދިޔަ މަސް ތެރޭގަ އެވެ. މުއްދަތު ހަމަވެފައި ވަނީ ކޮމިޝަންގެ ރައީސް މަރިޔަމް ވަހީދާ އާއި ކޮމިޝަނަރު އަލީ ޔޫސުފްގެ އެވެ.

އެމަގާމަށް ކުރިމަތިލި ބޭފުޅުންގެ ތެރެއިން ރައީސް ޑރ. މުހައްމަދު މުއިއްޒު މަޖިލީހަށް ފޮނުއްވި ލިސްޓުގެ އެންމެ ކުރީގައި އޮތީ މުހަންމާ އަދި މުއާގެ ނަމެވެ.

ރައީސް ފޮނުއްވި ނަންތަކުގެ ތެރެއިން އެންމެ ކުރީގައި އޮތް ފަސް ނަން ތަރުތީބުން؛

  • މުހައްމަދު އަބްދުﷲ، ހުސްއަކުރުގެ، ހއ. އިހަވަންދޫ
  • އިބްރާހިމް މުއާޒު އަލީ، ހަޒާރުމާގެ، ނ. ފޮއްދޫ
  • އިބްރާހިމް އަޝްރަފު، ވ. މަށިވެލި، މާލެ
  • ލެފްޓިނެންޓް ކާނަލް ރިޓަޔާޑް ޒުބައިރު އަހުމަދު މަނިކު، ގ. މަލްވިނަ، މާލެ
  • އަބްދުﷲ ހުމައިދު، ފަޒާ، ޅ. ހިންނަވަރު

ރައީސް ފޮނުވި ސިޓީގައި 12 ފަރާތެއްގެ ނަން ވަނީ ހިމަނާފަ އެވެ. މި ފަރާތްތަކުގެ ނަން ފޮނުވުމާއެކު މައްސަލަ ދިރާސާ ކުރުމަށް މަޖިލީހުގެ މިނިވަން މުއައްސަސާތަކުގެ ކޮމިޓީ އަށް ވަނީ ފޮނުވައިފަ އެވެ.

ކުރީގެ ފިލްމީތަރި މުހަންމާ މަޖިލީހުގެ މެންބަރުކަން ކުރެއްވީ 18 ވަނަ ރައްޔިތުންގެ މަޖިލީހުގަ އެވެ. އޭގެ ފަހުން ވެސް މިހާރު އުވާލާފައިވާ ޕީޕީއެމްގެ އިސް ސަފުގައި ސިޔާސީ ހަރަކާތްތަކުގައި އުޅުއްވި އެވެ.

މުއާޒަކީ ވެސް ސަރުކާރު ހިންގާ ކޯލިޝަނުގައި އިސްކޮށް ހަރަކާތްތެރިވާ ބޭފުޅެކެވެ. އޭނާ ރައީސް އޮފީހުގެ ތަރުޖަމާކަން ކުރެއްވީ ކުރީގެ ރައީސް އަބްދުﷲ ޔާމީންގެ ދައުރުގަ އެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.