އަލިފާނުގެ ސަބަބުން ފްލެޓޭ ގުޅޭ އެއްވެސް މައުލޫމާތެއް ނުގެއްލޭނެ: ހައުސިން މިނިސްޓްރީ

މިނިސްޓްރީން ބުނީ ގެދޮރުވެރިޔާ ސްކީމާ ގުޅޭ ހުރިހާ މައުލޫމާތާއި ލިޔުންތަކަކީ އެ މިނިސްޓްރީގެ ކްލައުޑް ހޯސްޓިންގައި ޑިޖިޓަލްކޮށް ބަލަހައްޓާ މައުލޫމާތުތަކެއް ކަމަށެވެ.

ހައުސިން މިނިސްޓަރު ޑރ. އަލީ ހައިދަރު --

ހައުސިން މިނިސްޓްރީ ހިންގަމުންދާ އިމާރާތުގައި މިއަދު ހެނދުނު ރޯވި އަލިފާނުގެ ސަބަބުން އެ މިނިސްޓްރީން ހިންގާ "ގެދޮރުވެރިޔާ ސްކީމް" އާ ގުޅޭ އެއްވެސް މައުލޫމާތެއް ނުގެއްލޭނެ ކަމަށް ބުނެފި އެވެ.

އަލިފާން ރޯވެފައި ވަނީ ހައުސިން މިނިސްޓްރީ އާއި އިންފްރާސްޓްރަކްޗާ މިނިސްޓްރީގެ އިތުރުން އެންވަޔަރަމެންޓް މިނިސްޓްރީ ހިންގާ އިމާރާތުގަ އެވެ. އަދިވެސް އަލިފާންގަނޑު އެއްކޮށް ނިއްވާލެވިފައެއް ނުވެ އެވެ. 

މިހާދިސާގެ ސަބަބުން އާންމުން އެންމެ ބޮޑަށް ކަންބޮޑުވުން ފާޅުކުރަމުން ދިޔައީ ހައުސިން ސްކީމްތަކާ ގުޅޭ މައުލޫމާތުތައް ގެއްލިދާނެތީ އެވެ. މިނިސްޓްރީން ނެރުނު ބަޔާނެއްގައި ބުނެފައި ވަނީ އެއްވެސް މައުލޫމާތެއް ނުގެއްލޭނެ ކަމަށެވެ.

މިނިސްޓްރީން ބުނީ ގެދޮރުވެރިޔާ ސްކީމާ ގުޅޭ ހުރިހާ މައުލޫމާތާއި ލިޔުންތަކަކީ އެ މިނިސްޓްރީގެ ކްލައުޑް ހޯސްޓިންގައި ޑިޖިޓަލްކޮށް ބަލަހައްޓާ މައުލޫމާތުތަކެއް ކަމަށެވެ. އެހެންކަމުން މި ހާދިސާގެ ސަބަބުން އެ މައުލޫމާތުތަކަށް އެއްވެސް އަސަރެއް ނުކުރާނެ ކަމަށެވެ.

މިނިސްޓްރީން އިތުރަށް ބުނެފައި ވަނީ އަލިފާނުގެ ހާދިސާއާ ގުޅިގެން ސަލާމަތާއި ރައްކާތެރިކަމަށްޓަކައި ކުރެވެން ހުރި ކަންކަމާއި ގުޅޭގޮތުން ކަމާގުޅުންހުރި ފަރާތްތަކާ މަޝްވަރާ ކުރަމުންދާނެ ކަމަށެވެ. މިކަމާ ގުޅޭ އިތުރު ތަފްސީލުތައް ފޯރުކޮށްދެމުންދާނެ ކަމަށް ވެސް ބުންޏެވެ.

އަލިފާނުގެ ސަބަބުން މުޅި ސަރަހައްދަށް ވަނީ ބޯ ދުމުގެ އަސަރު ކޮށްފަ އެވެ. މުޅި ސަރަހައްދުން މީހުން ވަނީ ހުސްކޮށްފަ އެވެ. މިހާދިސާގެ ސަބަބުން އެއްވެސް މީހަކަށް އަނިޔާއެއްވީކަމުގެ މައުލޫމާތެއް ނުލިބެ އެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.