އަލިފާނުގެ ސަބަބުން އާންމުން ސަމާލުވާން އެޗްޕީއޭ އިން އެދިއްޖެ
މިކަމާ ގުޅިގެން އެޗްޕީއޭ އިން މިއަދު އާންމުކުރި ވީޑިއޯއެއްގައި އިލްތިމާސް ކޮށްފައި ވަނީ ދުމުގެ އަސަރު ކުރާ ސަރަހައްދަށް ކޮންމެހެން ދާން ޖެހިގެން ނޫނީ ނުދިއުމަށެވެ. އެއީ އަމިއްލަ ރައްކާތެރިކަމަށްޓަކަ އެވެ.
ހައުސިން މިނިސްޓްރީ ހިންގާ އިމާރާތުގައި އަލިފާނުގެ ނުރައްކާތެރި ހާދިސާއެއް ހިނގާފައިވާތީ އާންމުން އާންމުން އެކަމަށް ސަމާލުވުމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން އެދިއްޖެ އެވެ.
އަލިފާން ރޯވެފައި ވަނީ މިއަދު ހެނދުނުގެ ވަގުތެއްގަ އެވެ. ރޯވި އަލިފާންގަނޑު އަދިވެސް ކޮންޓްރޯލް ކުރެވިފައެއް ނުވެ އެވެ. މީގެ ސަބަބުން މުޅި މާލެތެރެއަށް ވަނީ ދުމުގެ އަސަރު ކޮށްފަ އެވެ.
މިކަމާ ގުޅިގެން އެޗްޕީއޭ އިން މިއަދު އާންމުކުރި ވީޑިއޯއެއްގައި އިލްތިމާސް ކޮށްފައި ވަނީ ދުމުގެ އަސަރު ކުރާ ސަރަހައްދަށް ކޮންމެހެން ދާން ޖެހިގެން ނޫނީ ނުދިއުމަށެވެ. އެއީ އަމިއްލަ ރައްކާތެރިކަމަށްޓަކަ އެވެ.
ނޭވާލާ ނިޒާމް އަދި ދުމުގެ އަސަރު ހުންނަ ފަރާތްތަކަށް ދުމުގެ ސަބަބުން ކުރާ ނޭދެނޭ އަސަރު ބޮޑުވުން އެކަށީގެންވާ ކަމަށް އެ އެޖެންސީން ބުންޏެވެ. އަދި ނޭވާ ކުރުވުން ނުވަތަ ނޭވާލާން އުނދަގޫވުމާއި ގަދަޔަށް ކެއްސުން އަދި ބޯ އެނބުރުން ފަދަ އަލާމާތެއް ފެނިއްޖެނަމަ އަވަހަށް ސިއްހީ އެހީތެރިކަން ހޯދުމަށް ވެސް އެދިފައިވެ އެވެ.
އެޗްޕީއޭ އިން ބުނީ ދުމުގެ އަސަރު ކޮށްފައިވާ ސަރަހައްދަށްދާނަމަ އަނގައާއި ނޭފަތް ފޮރުވޭނެހެން މާސްކް އެޅުން މުހިންމު ކަމަށެވެ. އަދި ދުން ނުވަންނާނެހެން ގޭގެ ދޮރުތަކާއި ކުޑަދޮރުތައް ބަންދުކުރުމަށް ވެސް އިލްތިމާސްކޮށްފައިވެ އެވެ.
ފުލުހުންނާއި އެމްއެންޑީއެފް އިން މިހާރު ވަނީ އެ ސަރަހައްދުގައި ދިރިއުޅޭ މީހުން ގޭގެއިން ނެރުމަށްފަހު އެ ސަރަހައްދު ހުސްކޮށްފަ އެވެ.
ކޮމެންޓް
Republic of Maldives