ތައިލެންޑާ ޔޫއޭއީން އާސަންދަ ދޭން ތިން ހޮސްޕިޓަލަކާއެކު އެއްބަސްވުން ހަދައިފި، އަންނަ މަހު މީހުން ފޮނުވާނެ
ޖެނުއަރީ 15 އިން ފެށިގެން ކަނޑައެޅޭ އުސޫލްގެ ތެރެއިން މި ހޮސްޕިޓަލްތަކަށް ފަރުވާއަށް ފޮނުވަން ފަށާނެ ކަމަށް އާސަންދައިން ބުންޏެވެ.
އާސަންދައިގެ ދަށުން ހިދުމަތް ދިނުމަށް ތައިލެންޑާއި ޔޫއޭއީގެ ތިން ހޮސްޕިޓަލަކާއެކު އެއްބަސްވުމެއްގައި މިއަދު ސޮއިކޮށްފި އެވެ.
އެއީ ޑުބާއީގެ ބުރްޖީލް މެޑިކަލް ސިޓީ އާއި ބެންކޮކްގެ ވޯރލްޑް މެޑިކަލް ހޮސްޕިޓަލް އަދި ބެންކޮކްގެ ބެންކޮކް ހޮސްޕިޓަލެވެ.
އާސަންދައިގެ ދަށުން ޔޫއޭއީ އާއި ތައިލެންޑުން ޚިދްމަތް ދެވޭނެ އިންތިޒާމް ހަމަޖައްސަވައިދެއްވުމަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވެވަޑައިގެންފައިވާ ވަޢުދުފުޅެއްކެވެ.
މި ތިނަ ހޮސްޕިޓަލާއެކު އެއްބަސްވުމެއްގައި ސޮއިކުރެވުމުން އަންނަ އަހަރުގެ ޖެނުއަރީ 15 އިން ފެށިގެން ކަނޑައެޅޭ އުސޫލްގެ ތެރެއިން މި ހޮސްޕިޓަލްތަކަށް ފަރުވާއަށް ފޮނުވަން ފަށާނެ ކަމަށް އާސަންދައިން ބުންޏެވެ.
ދިވެހީންނަށް ބޭސްފަރުވާ ކުރެވޭނެ އެންމެ ރަނގަޅު ގޮތްތައް ހޯއްދައިދިނުމަކީ ސަރުކާރުގެ އަމާޒެއް ކަން ހާމަ ކުރައްވާ ވަކި ގައުމަކުން އެކަނި އާސަންދަ ސްކީމުން ބޭސްފަރުވާ ކުރެވޭ ގޮތަށް އޮތް އޮތުން ބަދަލު ކުރައްވާ ތައިލެންޑާއި ޔޫއޭއީއަށް އާސަންދަ ފުޅާ ކުރައްވާނެ ކަމަށް ރައީސް މުއިއްޒު ވަނީ ވިދާޅުވެފައެވެ. އެމަނިކުފާނު މިހެން ވިދާޅުވީ ޗައިނާއަށް ކުރެއްވި ދަތުރުފުޅަށް ފަހު ރާއްޖެ ވަޑައިގެން ދެއްވި ސްޓޭޓްމަންޓް ގައެވެ.
އާސަންދަ މިހާރު ލިބެނީ އިންޑިއާއާ ސްރީލަންކާއަށެވެ. އެ ހިދުމަތް ލަންކާ މަދު ހޮސްޕިޓަލަށް ލިބުނަސް އިންޑިއާގެ ވަރަށް ގިނަ ހޮސްޕިޓަލްތަކަށް ލިބެ އެވެ. މިހާރު ވެސް އެންމެ ބޮޑު ހޭދައެއް ކުރަނީ އިންޑިއާގެ ހޮސްޕިޓަލްތަކަށެވެ. އިންޑިއާގެ ވަރަށް ގިނަ ހޮސްޕިޓަލްތަކަށް އާސަންދައިގެ ހިދުމަތް ލިބެ އެވެ. އެއީ އެ ހޮސްޕިޓަލްތަކަށް އޮތް ވަރަށްބޮޑު ވިޔަފާރި އެކެވެ.
ކޮމެންޓް
Republic of Maldives