މޭރީއަށް ދިން ޑްރަގުގެ އަސަރު ލަމްހާ ގެއިން ފެނުނު ސިރިންޖަކު ނެތް

ހެކިބަސް ދިން ޑޮކްޓަރު ބުނެފައި ވަނީ މޭރީގެ ހަށިގަނޑުން ސަކްސިނަލްކޮލިން ކްލޮރައިޑް ފެނިފައި ވަނީ އާންމުކޮށް މީހެއްގެ ހަށިގަނޑުގައި ހުންނަން ޖެހޭނެ ވަރަށްވުރެ މަދުން ކަމަށެވެ.

ލަމްހާ އަދި މާވިން މީގެ ކުރީގެ ޝަރީއަތުގެ މަޖިލީހެއްގައި --

މާލޭގެ އައިޖީއެމްއެޗްގައި މަސައްކަތް ކުރި ފިލިޕިންސް ނަރުސް، މޭރީ ގްރޭސް މަރާލުމުގެ ކުރިން ދިން ކަމަށް ބުނާ ޑްރަގްގެ އަސަރު، މި މައްސަލައިގައި ދައުވާ ލިބޭ ހަލީމަތު ލަމްހާގެ ގެއިން ފެނުނު ސިރިންޖުތަކުގައި ނެތް ކަމަށް އެތަކެތީގެ ތަހުލީލު ހެދި ޑޮކްޓަރު ބުނެފި އެވެ.

އޮކްޓޯބަރު 2021 ގައި އައިޖީއެމްއެޗްގައި މަސައްކަތްކުރި މޭރީ މަރާލި މައްސަލާގައި ދައުލަތުން ދައުވާ ކުރަނީ މޭރީގެ ފިރިމީހާ މާވިން އެސްވައި އާއި ލަމްހާގެ މައްޗަށެވެ. 

މީގެ ކުރިން މައްސަލައާ ގުޅޭ ގޮތުން ދައުލަތުން ބުނެފައި ވަނީ މޭރީގެ ހަށިގަނޑުން ސަކްސިނަލްކޮލިން ކްލޮރައިޑް ޑްރަގް ފެނިފައިވާ ކަމަށެވެ. އެއީ ހަމައެކަނި ހޮސްޕިޓަލްތަކަށް ދޫކުރަން ފުޑް އެންޑް ޑްރަގް އޮތޯރިޓީ އިން ހުއްދަ ދީފައިވާ ކޮންޓްރޯލްޑް ޑްރަގެކެވެ. މި ޑްރަގަކީ މީހާ ހޭނައްތާލުމަށް ބޭނުންކުރާ އެއްޗެކެވެ. 

މި ޑްރަގް ބޭނުންކޮށްފައިވާ ފުޅިއަކާއި ސިރިންޖުތަކެއް ދައުވާ ލިބޭ ލަމްހާގެ ގެއިން ވަނީ ފެނިފަ އެވެ. މި މައްސަލައިގައި މިއަދު ކްރިމިނަލް ކޯޓުގައި ހެކިބަސް ނަގާފައި ވަނީ އެ ސިރިންޖުތަކާއި މޭރީގެ ލޭގެ ތަހުލީލު ހެދި އިންޑިއާގެ ޑޮކްޓަރެއްގެ ކަމަށްވާ އާސްތާ ޕާންޑޭގެ ހެކިބަހެވެ. އޭނާ ހެކިބަސް ދީފައި ވަނީ އިންޑިއާގެ ނިއުދިއްލީގައި ދިވެހި ހައިކޮމިޝަނަށް ހާޒިރުވެގެންނެވެ.

އިންޑިއާގެ މަޝްހޫރު ރިސާޗް ސެންޓަރެއް ކަމަށްވާ ނޭޝަނަލް ފޮރެންސިކް ސައިންސެސް ޔުނިވާސިޓީން ހެދި މި ތަހުލީލުތަކުން ދައްކާ ގޮތުގައި މޭރީގެ ލެއިން އެ ޑްރަގްގެ އަސަރު ފެނުނީ ވަރަށް މަދުންނެވެ. ހެކިބަސް ދިން ޑޮކްޓަރު ބުނެފައި ވަނީ މޭރީގެ ހަށިގަނޑުން ސަކްސިނަލްކޮލިން ކްލޮރައިޑް ފެނިފައި ވަނީ އާންމުކޮށް މީހެއްގެ ހަށިގަނޑުގައި ހުންނަން ޖެހޭނެ ވަރަށްވުރެ މަދުން ކަމަށެވެ.

އެ ރިސާޗް ސެންޓަރަށް ދިވެހި ފުލުހުންގެ ފަރާތުން ތަހުލީލު ކުރަން ފޮނުވާފައި ވަނީ ހުސް ދެ ސިރިންޖު ކަމަށް ވެސް ޑޮކްޓަރު ބުންޏެވެ. އޭގެ ތަހުލީލު ހެދުމުން ނެގެޓިވް ނަތީޖާއެއް ފެނިފައިވާ ކަމަށް ބުންޏެވެ.

މިއީ އެ ރިސާޗް ސެންޓަރުން ބައިނަލްއަގްވާމީ މައްސަލައެއްގައި މަސައްކަތް ކުރި ފުރަތަމަ ފަހަރެވެ. ޑޮކްޓަރު ބުނީ މި ތަހުލީލުތައް ހެދިއިރު ރާއްޖޭގެ ތަހުގީގީ އޮފިސަރަކު އެމީހުންނާއެކު މަސައްކަތް ކުރިއަށްދާ ގޮތް ބެލުމަށް ހަރަކާތްތެރިވެފައިވާ ކަމަށެވެ.

ދައުލަތުން ބުނާ ގޮތުގައި، މޭރީ މަރާލުމަށްފަހު މާވިންއާއި ލަމްހާ މަސައްކަތް ކޮށްފައި ވަނީ ދަންޖެހުނު ކަމަށް ހެދުމަށެވެ. ނަމަވެސް މޭރީ މަރުވެފައި ވަނީ ބޮލަށާއި ކަރަށް ލިބުނު އަނިޔާތަކުން ކަމަށް މެޑިކަލް ރިޕޯޓުތަކާ ހަވާލާދީ ދައުލަތުން ކުރިން ބުނެފައިވެ އެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.