ވޯލްޑް ޓްރެވަލް އެވޯޑުގައި ޔުނިވާސަލްގެ ރިސޯޓްތަކަށް ގިނަ ވަނަތަކެއް

ދުނިޔޭގެ ޓޫރިޒަމްގެ "އޮސްކާ" ގެ ގޮތުގައި ކިޔާ ވޯލްޑް ޓްރެވަލް އެވޯޑުގައި ރާއްޖޭގެ ޔުނިވާސަލް ކުންފުނީގެ ރިސޯޓްތަކުން ގިނަ ވަނަތަކެއް ހާސިލްކޮށްފި އެވެ. 

ރާއްޖޭގެ ޓޫރިޒަމްގެ އެންމެ ދުވަސްވީ އަދި ޒަމާންވީ ރިސޯޓްތައް ހިންގާ އެއް ކުންފުނި ކަމަށްވާ ޔުނިވާސަލް އިން މި އަހަރުގެ ވޯލްޑް ޓްރެވަލް އެވޯޑުގައި އެންމެ ޝަރަފުވެރި ވަނަތަކެއް ހޯދާފައިވަނީ ހުވަފެންފުށި ރިސޯޓާއި ބަރޮސް މޯލްޑިވްސް އާއި ކުރުނބާ މޯލްޑިވްސް އެވެ. 

މި ރިސޯޓްތަކުން މި ސަރަހައްދުގެ އެންމެ ޝަރަފުވެރި ވަނަތައް ހޯދިއިރު، ދުނިޔޭގެ ޓޫރިޒަމްގެ ވާދަވެރި ކެޓަގަރީ ތަކުން ވެސް ވަނީ ވަނަތަކެއް ހޯދާފަ އެވެ. 

މީގެ އިތުރުން ބަރޮސް މޯލްޑިވްސް ވަނީ ގިނަ ކެޓަގަރީތަކަށް ވާދަކޮށް ނޮމިނޭޓް ވެސް ވެފަ އެވެ. 

ޔުނިވާސަލްއިން ހިންގާ ކުރުނބާ މޯލްޑިވްސްއަކީ 1972 ވަނަ އަހަރު ހުޅުވި ރިސޯޓެކެވެ. މި ރިސޯޓަކީ ރާއްޖޭގެ 50 އަހަރުގެ ދިގު ތާރީހު އޮތް ޓޫރިޒަމްގައި ހުޅުވި އެންމެ ފުރަތަމަ އެއް ރިސޯޓެވެ.