އޭސީސީ ހަރުދަނާ ކުރަން ޖަޕާނުން ދެ މިލިއަން ޑޮލަރު ދީފި
މި އެއްބަސްވުމުގެ ދަށުން ހިލޭ އެހީގެ ގޮތުގައި 300 މިލިއަން ޖަޕާނީސް ޔެން -- 2.158 އެމެރިކާ ޑޮލަރު ދިނުމަށް ވަނީ ނިންމަވާފަ އެވެ.
ޖަޕާން ސަރުކާރުގެ އެހީގައި ކުރިއަށް ގެންދިއުމަށް ހަމަޖެހިފައިވާ އެންޓި-ކޮރަޕްޝަން ކޮމިޝަނުގެ މޮބިލިޓީ އަދި އޮޕަރޭޝަނަލް ކެޕޭސިޓީ އިތުރުކުރުމާގުޅޭ މަޝްރޫއުގެ "އެކްސްޗޭންޖް އޮފް ނޯޓްސް" ގައި މިއަދު ސޮއިކޮށްފި އެވެ.
މިނިސްޓްރީ އޮފް ފޮރިން އެފެއާޒްގައި އޮތް ރަސްމިއްޔާތުގައި، ދިވެހި ސަރުކާރުގެ ފަރާތުން މި އެއްބަސްވުމުގައި ސޮއިކުރެއްވީ މިނިސްޓަރ އޮފް ފޮރިން އެފެއާޒް ޑރ. އަބްދުﷲ ހަލީލް އެވެ. ޖަޕާން ސަރުކާރުގެ ފަރާތުން ސޮއިކުރެއްވީ ޖަޕާނުން ރާއްޖެއަށް ކަނޑައަޅާފައި ހުންނަވާ ސަފީރު ތަކެއުޗި މިދޮރި އެވެ.
ޖަޕާނު ސަރުކާރުގެ އިކޮނޮމިކް އެންޑް ސޯޝަލް ޑިވެލޮޕްމަންޓް ޕްރޮގްރާމްގެ ދަށުން ކުރިއަށް ގެންދިއުމަށް ހަމަޖެހިފައިވާ މި މަޝްރޫއު އަށް މި އެއްބަސްވުމުގެ ދަށުން ހިލޭ އެހީގެ ގޮތުގައި 300 މިލިއަން ޖަޕާނީސް ޔެން -- 2.158 އެމެރިކާ ޑޮލަރު ދިނުމަށް ވަނީ ނިންމަވާފަ އެވެ.
މި ރަސްމިއްޔާތުގައި ވާހަކަ ދައްކަވަމުން، މިނިސްޓަރު ހަލީލް ވަނީ ކޮރަޕްޝަންއާ ދެކޮޅަށް ރާއްޖެއިން ކުރަމުންގެންދާ މަސައްކަތްތަކަށް ހިންގުން ހަރުދަނާކު ރުމުގައި މި މަޝްރޫއުގެ މުހިންމު ކަން ފާހަގަ ކުރައްވާފަ އެވެ. އަދި މި މަޝްރޫއު އަކީ ރާއްޖޭގައި ކޮރަޕްޝަނާ ދެކޮޅަށް ހަރުދަނާ ފިޔަވަޅުތަކެއް އަޅައި، ހާމަކަން ބޮޑު ދެފުށް ފެންނަ، ޒިންމާދާރު ސަރުކާރެއް ބިނާކުރުމަށް އެޅުނު މުހިންމު ފިޔަވަޅެއް ކަމުގައި ވިދާޅުވެފައެވެ. ރާއްޖޭގެ މުއައްސަސާތައް ހަރުދަނާ ކުރުމުގައި ޖަޕާނު ސަރުކާރުން އަދާކުރަމުންދާ ގެންދާ މުހިންމު ދައުރު ފާހަގަކޮށް މިނިސްޓަރު ވަނީ ޝުކުރު ދަންނަވާފަ އެވެ.
ދެ ގައުމުގެ ދެމެދުގައި އޮތް ގާތް ޒަމާންވީ ރަހްމަތްތެރި ގުޅުމުގެ މައްޗަށް އަލިއަޅުއްވާލައްވައި، މިފަދަ މަޝްރޫއު ތަކުން ރާއްޖޭގެ ތަރައްގީގެ ދަތުރުގައި ޖަޕާނުން އަދާކުރަމުންދާ މުހިއްމު ދައުރު ފާހަގަކުރައްވައި، ޖަޕާނު ސަރުކާރުން ދެއްވާ ދީލަތި އެހީތެރި ކަމަށް ވެސް އޭނާ ވަނީ ޝުކުރު އަދާކުރައްވާފަ އެވެ.
ކޮމެންޓް
Republic of Maldives