މޫސުމީ ބަދަލުތަކުގެ ސަބަބުން ދިވެހިން ދިރިއުޅޭ ފަސްގަނޑު ބަދަލުކުރަންޖެހުމާ ދިވެހި ސަރުކާރު ދެކޮޅު

އުޝާމުވަނީ ރާއްޖެ ފަދަ މޫސުމީ ބަދަލުތަކުގެ އަސަރުތައް ބޮޑަށް ކުރާނެ ނާޒުކު ގައުމުތަކަށް ބައިނަލްއަގުވާމީ މުޖުތަމައުގެ އެހީތެރިކަން ފޯރުކޮށްދިނުމަށް ގޮވާލައްވާފަ އެވެ.

ބައިނަލްއަގުވާމީ އަދުލުގެ ކޯޓުގައި ބަންޑާރަނައިބު އަހްމަދު އުޝާމް ރާއްޖެ ތަމްސީލުކުރައްވަނީ، ފޮޓޯ: އޭޖީ އޮފީސް

މޫސުމީ ބަދަލުތަކުގެ ސަބަބުން ދިވެހިން ދިރިއުޅޭ ފަސްގަނޑު ބަދަލުކުރަންޖެހުމާ ދިވެހި ސަރުކާރު ދެކޮޅުކަމަށް ބައިނަލްއަގުވާމީ އަދުލުގެ ކޯޓުގައި ދިވެހިރާއްޖެއިން ބުނެފި އެވެ. 

މޫސުމީ ބަދަލުތަކުން އަރައިގަތުމުގައި ގައުމުތަކުގެ މަސްއޫލިއްޔަތުތަކާ ގުޅޭ ގޮތުން އެ ކޯޓުގެ އިސްތިޝާރީ ލަފައަކަށް އެދި އދ.ގެ އާންމު މަޖިލީހުން ހުށަހަޅާފައިވާ މައްސަލައާ ގުޅިގެން އިއްޔެ ބޭއްވި އަޑުއެހުމުގައި ބަންޑާރަނައިބު އަހްމަދު އުޝާމާއި ރާއްޖެއިން ކަނޑައަޅާފައިވާ ބޭރުގެ ވަކީލުންގެ ޓީމުންވަނީ ކޯޓުގައި ވަކާލާތުކޮށްފަ އެވެ. 

މި މައްސަލައަކީ މޫސުމީ ބަދަލުތަކާ ގުޅިގެން ގައުމުތަކުން އުފުލަންޖެހޭ ޒިންމާއާމެދު އުފެދިފައިވާ ގާނޫނީ ބައެއް ސުވާލުތައް އެ ކޯޓުގެ ސްޓެޗޫޓްގެ ދަށުން އދ.ގެ އާންމު މަޖިލީހުން ފާސްކުރި ގަރާރެއްގެ ދަށުން ހުށަހަޅާފައިވާ މައްސަލައެކެވެ. 

އައިސީޖޭގެ އަޑުއެހުމުގައި އިއްޔެ ރާއްޖެ ތަމްސީލުކުރައްވަމުން ބަންޑާރަނައިބު އަހްމަދު އުޝާމުވަނީ މޫސުމީ ބަދަލުތަކުގެ މައްސަލާގައި ކެނޑިނޭޅި ވަކާލާތުކުރެއްވުމުގައި ރައީސުލްޖުމްހޫރިއްޔާ ޑރ.މުހައްމަދު މުއިއްޒު ކުރައްވާ މަސައްކަތް ފާހަގަކުރައްވާފަ އެވެ. 

އުޝާމުވަނީ ރާއްޖެ ފަދަ މޫސުމީ ބަދަލުތަކުގެ އަސަރުތައް ބޮޑަށް ކުރާނެ ނާޒުކު ގައުމުތަކަށް ބައިނަލްއަގުވާމީ މުޖުތަމައުގެ އެހީތެރިކަން ފޯރުކޮށްދިނުމަށް ގޮވާލައްވާފަ އެވެ. އުޝާމު އިތުރަށް ފާހަގަކުރެއްވީ މޫސުމީ ބަދަލުތަކުން ދިގު މުއްދަތުގައި ކުރާ އަސަރުތަކަށް ރާއްޖެ ނާޒުކު ކަމެވެ. 

އަދި ދިގު މުއްދަތުގައި މޫސުމީ ބަދަލުތަކުން ކުރާ އަސަރުތަކުގެ ސަބަބުން ދިވެހިން ދިރިއުޅޭ ފަސްގަނޑު ބަދަލުކުރަންޖެހުމުގެ ފުރުސަތު އޮތްކަން ފާހަގަކުރައްވަމުން އުޝާމު ވިދާޅުވީ މޫސުމީ ބަދަލުތަކުގެ ސަބަބުން ދިރިއުޅޭ ތަން ބަދަލުކުރަންޖެހުމަކީ ދިވެހި ސަރުކާރުން ދެކޮޅު ކަމެއް ކަމަށެވެ. 

ރާއްޖޭގެ ފަރާތުން ކޯޓުގައި ވަކާލާތުކުރެއްވި ބައިނަލްއަގުވާމީ ވަކީލުންގެ ޓީމުން ފާހަގަކުރި ނުކުތާތަކުގެ ތެރޭގައި ކުރިއަރަމުން އަންނަ ކުދި ގައުމުތަކަށް އެހީވުމަށް ތަރައްގީވެފައިވާ ބޮޑެތި ގައުމުތަކުގެ ބޮލުގައި އެޅޭ ޒިންމާއެއް އޮތުން ހިމެނެ އެވެ. އަދި ބައިނަލްއަގުވާމީ އުރުފީ ގަނޫނުގައި ގައުމުތަކުގެ މެދުގައި އޮންނަންޖެހޭ އެއްބާރުލުން ދިނުމުގެ އުސޫލުތަކަށް އަލިއަޅުވައިލެއްވި އެވެ. 

އެ ބޭފުޅުން ފާހަގަކުރެއްވި ގޮތުގައި ކުދި ޖަޒީރާ ގައުމުތަކަށް މޫސުމީ ބަދަލުތަކުން އަރައިގަތުމުގައި އެހީތެރިވުމަކީ ބައިނަލްއަގުވާމީ މުޖުތަމައުގެ މަސްއޫލިއްޔަތެކެވެ. 

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.