ޒަރޫރީ ކަމެއްގައި ނޫނީ ރާއްޖެއަށް ނުދާން އިސްރާއީލުން އަންގައި އެލާޓު މަތިކޮށްފި

ދެވަނަ ގިންތީގެ އެލާޓުގެ މާނައަކީ އެ ގައުމަށް ދަތުރުކުރުމުގެ ސަމާލުކަންދީ ރައްކާތެރިކަމުގެ ފިޔަވަޅުތައް އަޅަަން އިލްތިމާސްކުރުމެވެ. މުޅިން އެ ގައުމަށް ދަތުރުކުރުން ހުއްޓައިލަން އިންޒާރުކުރުމެއް ނޫނެވެ.

ޒަރޫރީ ބޭނުމެއް އޮވެގެން ނޫނީ ރާއްޖެއަށް ނުދިއުމަށް އިސްރާއީލުގެ ރައްޔިތުންނަށް އިލްތިމާސްކޮށް ރާއްޖެއާމެދު ނެރެފައިވާ ޓްރެވަލް އެލާޓުގެ ގިންތި މަތިކުރަން އެ ގައުމުގެ ނޭޝަނަލް ސެކިއުރިޓީ ކައުންސިލުން ނިންމައިފި އެވެ. 

ސެކިއުރިޓީ އެސެސްމެންޓު އަދާހަމަކޮށް ރާއްޖެ ހިމެނޭހެން ތިން ގައުމަކާމެދު ނެރެފައިވާ އެލާޓަށް އިސްރާއީލު ނޭޝަނަލް ސެކިއުރިޓީ ކައުންސިލުން ބަދަލުގެނެސްފައިވެ އެވެ. އެގޮތުން ބްރެޒިލަށް ދަތުރުކުރުމާމެދު ނެރެފައި އޮތް އެލާޓުގެ ގިންތި ދަށްކުރިއިރު ރާއްޖެއާއި އަރްމޭނިއާއަށް ދަތުރުކުރުމާމެދު ނެރެފައިވާ އެލާޓުގެ ގިންތި މަތިކޮށްފައިވެ އެވެ. 

ނޭޝަނަލް ސެކިއުރިޓީ ކައުންސިލުން ބުނެފައިވަނީ އަރުމޭނީއާގައި އިސްރާއީލު މީހުންނަށާއި ޔަހޫދީންނަށް ޓެރަރިސްޓުންގެ ފަރާތުން އޮތް ނުރައްކަލަށް ރިއާޔަތްކޮށް އެ ގައުމަށް ދަތުކުރުމުގެ އެލާޓު ގިންތި އެކަކުން ދޭކަށް މަތިކޮށްފައިވާ ކަމަށެވެ. 

ދެވަނަ ގިންތީގެ އެލާޓުގެ މާނައަކީ އެ ގައުމަށް ދަތުރުކުރުމުގެ ސަމާލުކަންދީ ރައްކާތެރިކަމުގެ ފިޔަވަޅުތައް އަޅަަން އިލްތިމާސްކުރުމެވެ. މުޅިން އެ ގައުމަށް ދަތުރުކުރުން ހުއްޓައިލަން އިންޒާރުކުރުމެއް ނޫނެވެ. 

ދިވެހިރާއްޖެއާ ގުޅިގެން ކުރިން ނެރެފައި އޮތް ދެވަނަ ގިންތީގެ އެލާޓު ތިންވަނަ ގިންތިއަށް މަތިކޮށްފައިވަނީ ރާއްޖޭގައި "ޓެރަރިސްޓުންނަށް ތާއީދުކުރާ މީހުން އިތުރުވާތީއާއި އިސްރާއީލު މީހުންނާއި ޔަހޫދީންނާމެދު އޮތް ދެކޮޅުވެރިކަން ބޮޑުވަމުންދާތީ"ކަމަށް ނޭޝަނަލް ސެކިއުރިޓީ ކައުންސިލުން ބުނެފައިވެ އެވެ. 

ތިންވަނަ ގިންތީގެ އެލާޓުގެ މާނައަކީ އެ ގައުމަކަށް ކޮންމެހެން ދާންނުޖެހޭނަމަ ދަތުރުނުކުރަން އިސްރާއީލު ސަރުކާރުން އެ ގައުމުގެ ރައްޔިތުންނަށް އިލްތިމާސްކުރުމެވެ. 

އިސްރާއީލު ޕާސްޕޯޓު މަނާކުރުން މަޖިލީހުގައި ކުރިއަށް

އިސްރާއީލު ޕާސްޕޯޓު މަނާކުރުމަށް ސަރުކާރުން ނިންމާފައިވާއިރު އެކަމަށް އިދިކޮޅު އެމްޑީޕީން ހުށަހަޅާފައިވާ އިމިގްރޭޝަނުގެ ގާނޫނު އިސްލާހުކުރުމުގެ ބިލުގެ މަސައްކަަތް މަޖިލީހުގެ ސަލާމަތީ ހިދުމަތްތަކާ ބެހޭ ކޮމިޓީން އަންނަނީ މިހާރު ކުރަމުންނެވެ. 

އެ މަސައްކަތުގެ ތެރެއިން މިހާތަނަށް ޓޫރިސްޓު ޖަމްއިއްޔާތަކުން މަޖިލީހުގައި ބުނެފައިވަނީ އިސްރާއީލު ޓޫރިސްޓުން އައުން މަނާކުރުމުގެ ބަދަލުގައި އިސްރާއީލު ސަރުކާރުގެ އިސްވެރިންނަށް އަމާޒުކޮށްގެން ފިޔަވަޅުތައް އެޅުން އެންމެ ރަނގަޅުވާނެ ކަމަށެވެ. 

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.